Wallet with glasses

கனடாவில் உங்களது எதிர்காலத்திற்காக முதலீடு செய்தல்

வீடொன்றை வாங்குவது, குழந்தைகளின் கல்விக்காகப் பணம் சேமித்து வைப்பது அல்லது சௌகரியமான முறையில் பணி ஓய்வு பெறுவது போன்று, உங்களது எதிர்காலத் தேவைகளுக்காக, பணத்தை ஒதுக்கி வைக்க உதவுவதற்கான முதலீட்டு வழிவகைகளும் இருக்கத்தான் செய்கின்றன.

இத்தகைய முதலீட்டு வழிவகைகள், மூன்று முக்கியமான கூறுகளில் அமைகின்றன:

ரொக்கம்

ரொக்க முதலீடுகளில், சேமிப்புக் கணக்குகள், உத்தரவாதமளித்த முதலீட்டுச் சான்றிதழ்கள் (GIC-கள்) போன்ற குறித்த-கால வைப்புநிதிகள், நாணயம், கனடா சேமிப்புப் பத்திரங்கள், ரொக்கச் சந்தை நிதிகள் மற்றும் ஒரு ஆண்டுகளுக்குள் முதிர்வடைகிற அரசாங்க மற்றும் கூட்டாண்மை நிறுவனப் பங்குகள் ஆகியவை அடங்குகின்றன.

நிரந்தர வருமானம்

நிரந்தர வருமான முதலீடுகளில், ஒரு ஆண்டு காலத்திற்கும் மேலான கால அளவில் முதிர்வடைகிற அரசாங்க மற்றும் கூட்டான்மை நிறுவனப் பங்குகள், விருப்பப் பங்குகள் மற்றும் மற்ற கடன் ஆவணங்கள் ஆகியவை அடங்குகின்றன.

பங்குகள்

பங்கு முதலீடுகளில், பொதுப் பங்குகள், சில யூகபேரங்கள் (உரிமைகள், வாரண்டுகள், ஆப்ஷன்கள்), மாற்றக்கூடிய பங்குகள் மற்றும் மாற்றக்கூடிய விருப்பப் பங்குகள் ஆகியவை அடங்குகின்றன.

மேலே பட்டியலிட்டுள்ள முதலீட்டுத் திட்டங்களுக்குக் கூடுதலாக, பரஸ்பர சகாய நிதிகள் மற்றும் பங்குச் சந்தையில் வர்த்தகமாகிற நிதிகளும், பங்குகள் மற்றும் பத்திரங்கள் போன்ற பல்வேறு விதமான முதலீட்டுத் திட்டங்களை வைத்துள்ளன. இது போன்ற முதலீடுகள், உங்களது முதலீட்டு விகித முறையை பரவலாக அமைக்க உதவ முடியும். அவற்றில் என்னென்ன வைத்திருக்கிறீர்கள் என்பதைப் பொருத்து, அவை வெவ்வேறு விதமான சொத்து வகைகளில் அல்லது பல்வேறு விதமான சொத்து வகைகளில் அமையக்கூடும்.

உங்களால் உங்களது முதலீடுகளைப் பதிவுசெய்துள்ள அல்லது பதிவு செய்திராத கணக்கு ஒன்றில் வைத்துக் கொள்ள முடியும். ஒவ்வொரு வகையான கணக்கும், அதற்கென்றேயுள்ள சிறப்பம்சங்களையும், தகுதித் தேவைகளையும், கட்டுப்பாடுகளையும் கொண்டுள்ளது. உங்களுக்கும், உங்களது குடும்பத்திற்கும் எந்தக் (எந்தெந்தக்) கணக்கு (கணக்குகள்) மிகச் சிறந்தவை என்பதை ஆராய்ச்சி செய்து பார்த்துக் கொள்வது முக்கியமானதாகும்.

பதிவு செய்துள்ள கணக்குகள், வரி ஆதாயங்களைக் கொடுக்க முடியும். இதோ இங்கே இரண்டு பதிவு செய்துள்ள கணக்கு வழிவகைகள் இருக்கின்றன:
இதோ இங்கே இரண்டு பதிவு செய்துள்ள கணக்கு வழிவகைகள் இருக்கின்றன:

TFSA (TFSA)

‘ஒரு வரி-இல்லாத சேமிப்புக் கணக்கு (TFSA) (டிஎஃப்எஸ்ஏ)’ என்பது, உங்களது விருப்பத்திற்கேற்ற எந்த இலக்கிற்காகவும், உங்களது சேமிப்புகளை வரி இல்லாத வகையில் வளரவிருக்கும் மத்திய அரசில் பதிவு செய்துள்ளதோர் சேமிப்புக் கணக்கு ஆகும். TFSA (டிஎஃப்எஸ்ஏ) கணக்கில் இருந்து எடுக்கும் பணத்திற்கு வரி கிடையாது, ஏனென்றால் நீங்கள் வரி பிடித்தம் செய்த பிறகு கிடைக்கிற டாலர்களைக் கொண்டே இதற்கான பங்களிப்புகளைச் செய்கிறீர்கள்.

RRSP (ஆர்ஆர்எஸ்பி)

பதிவு செய்துள்ளதோர் பணி ஓய்வுகால சேமிப்புத் திட்டம் (RRSP) (ஆர்ஆர்எஸ்பி) என்பது, மத்திய அரசாங்கத்தில் பதிவு செய்துள்ளதும், பணி ஓய்வு காலத்திற்காக நீங்கள் பணத்தைச் சேமித்து வைத்துக் கொள்ள உங்களை அனுமதிக்கும் எண்ணத்திலானதுமானதோர் கணக்காகும். RRSP (ஆர்ஆர்எஸ்பி) பங்களிப்புகள் வரிவிலக்கு பெற்றவையாகும். இதற்கு, இக்கணக்கில் பணம் செலுத்த உபயோகிக்கிற தொகைக்கு உங்கள் வருமானத்தில் நீங்கள் வரி செலுத்துவதில்லை என்றும், ஆனால் உங்கள் கணக்கில் இருந்து எடுக்கும் தொகைக்கே வரி செலுத்துகிறீர்கள் என்றுமே அர்த்தமாகிறது.

exclamation mark 3 types of homes

வீடொன்றை வாங்குவது என்பது பெரியதோர் முதலீடேயாகும். மற்ற அநேக முதலீடுகளைப் போன்றே, வீடு, மனை வாங்குவது என்பதும், விலை ஏற்றத் தாழ்வுகளுக்கு உட்பட்டதேயாகும். அதோடு, மற்ற முதலீடுகளுக்குச் செய்வதைப் போன்றே, நீங்கள் வாங்குவதற்கு முன்பாக உங்களது ஆராய்ச்சியைச் செவ்வனே செய்து, உங்களுக்குள்ள வழிவகைகளைக் கவனமாகப் பரிசீலியுங்கள்.

கனடாவில் கிடைக்கிற முதலீட்டுக் கணக்குகளின் வகைகள் மற்றும் முதலீட்டு வழிவகைகள் குறித்த இன்னும் அதிகத் தகவல்களுக்கு வருகை தாருங்கள் GetSmarterAboutMoney.ca

Baby carriage, apple, and a book

உங்கள் குழந்தையின் கல்விக்காகப் பணத்தை சேமித்தல்

உங்கள் குழந்தைகள் கனடாவில் உள்ள பல்கலைக்கழகத்தில், கல்லூரியில் அல்லது உயர்நிலைப்பள்ளிப் படிப்பை முடித்த பிறகு ஒரு தொழிற்பயிற்சித் திட்டத்தில் சேர்ந்து பயில வேண்டுமென நீங்கள் விரும்புகிற பட்சத்தில், அதற்கு அதிகம் செலவாகத் தான் செய்கின்றது. அதில் இருக்கிற அதிகப்படியான செலவு என்பது கல்விக் கட்டணமே, ஆனால் வாங்க வேண்டியுள்ள பாடப்புத்தகங்கள் போன்ற காரியங்களுக்கும் இருக்கத்தான் செய்கின்றன, அதற்கு அதிக செலவாகலாம். உங்கள் குழந்தை வீட்டை விட்டு வெளியில் தங்கிப் படிக்கிறார் என்றால், தங்குமிடம், உணவு ஆகியவற்றுக்கான செலவுகளும் இருக்கத்தான் செய்யும். இத்தகைய செலவுகளுக்காகப் பணம் சேர்த்து வைப்பதற்கான ஒரு வழி என்பது, பதிவுசெய்துள்ள கல்விச் சேமிப்புத் திட்டம் (RESP) (ஆர்இஎஸ்பி) ஒன்றைத் திறந்து கொள்வதேயாகும்.

RESP (ஆர்இஎஸ்பி) திட்டம் என்பது, உங்கள் குழந்தையின் உயர்நிலைப் பள்ளிப்படிப்பிற்குப் பிந்தைய கல்விக்காக பணம் சேர்த்து வைக்க உதவுவதற்கென்றே உரிய சேமிப்புத் திட்டமாகும். உங்களது சேமிப்புகள், வரி-இல்லாமல் வளர்ச்சியடைகின்றன, அதோடு உங்களது முதலீடு கணக்கில் இருந்து வருகிற காலம் வரைக்கும், அந்த முதலீட்டில் கிடைக்கும் ஆதாயத்திற்கும் வரி செலுத்த வேண்டியதில்லை. ஒரு மாணவராக, வரி பிடித்தம் செய்யக்கூடிய வருமானம் என்ற வகையில் ஒருவேளை உங்கள் குழந்தையிடம் அதிகம் பணம் இல்லாமல் போய்விடலாம், ஆகவே அவர்கள் தங்களது RESP (ஆர்இஎஸ்பி) கணக்கில் இருந்து பணத்தை எடுக்க வேண்டிய நேரம் வரும் போது, அவர்களுக்குக் குறைந்த அளவே வரி செலுத்த வேண்டியிருக்கும் அல்லது வரி எதுவும் செலுத்த வேண்டியிருக்காது.

அனைத்து RESP (ஆர்இஎஸ்பி) திட்டங்களுமே உங்களது குழந்தையின் கல்விக்காக நீங்கள் பணம் சேர்த்து வைக்க உதவ முடியும் என்கிற அதே வேளையில், இதில் வெவ்வேறு வகையான திட்டங்களும் இருக்கத்தான் செய்கின்றன; ஒவ்வொரு திட்டத்திற்கும், கட்டணங்கள் மற்றும் மாதாந்திரப் பங்களிப்புத் தொகைத் தேவைகள் உள்ளிட்ட வெவ்வேறு விதமான சிறப்பம்சங்கள் இருக்கும். நீங்கள் எவ்வித RESP (ஆர்இஎஸ்பி) கணக்கையும் திறப்பதற்கு முன்பாக, அதற்கான விதிகளைத் தெரிந்து கொள்வது முக்கியமானதாகும்.

மூன்று வகையான RESP (ஆர்இஎஸ்பி) திட்டங்களாவன:

Single person

தனிநபர் திட்டங்கள்

தனிநபர் திட்டங்கள் என்பவை ஒரு பயனாளியின் கல்விச் செலவுகளுக்குப் பணம் கொடுப்பதற்கென்ற உருவானவையாகும். யார் வேண்டுமானாலும் தனிநபர் திட்டம் ஒன்றைத் திறந்து கொள்ளலாம், அதோடு அதற்கு யார் வேண்டுமானாலும் பங்களிப்புத் தொகையைச் செலுத்தலாம். நீங்கள் உங்களுக்கேகூட ஒரு திட்டத்தைத் திறந்து கொள்ளலாம். வழக்கமாகத் தனிநபர் திட்டங்களுக்குக் குறைந்தபட்ச வைப்புத்தொகை ஒன்றைச் செய்ய வேண்டிய அவசியமில்லை.

Family

குடும்பத் திட்டங்கள்

குடும்பத் திட்டங்களில் ஒன்றுக்கும் மேற்பட்ட பயனாளிகள் இருக்கமுடியும். பயனாளிகள் என்போர், இத்திட்டத்தைத் திறக்கும் நபரோடு தொடர்புடையவராக இருந்தாக வேண்டும், அதோடு கிடைக்கிற நிதிகளைப் பயனாளிகள் மத்தியில் எவ்விதமாகப் பிரித்துக் கொள்வது என்பதை நீங்களே முடிவு செய்து கொள்ளலாம். வழக்கமாகக் குடும்பத் திட்டங்களுக்குக் குறைந்தபட்ச வைப்புத்தொகை ஒன்றைச் செய்ய வேண்டிய அவசியமில்லை.

Group of people

குழு திட்டங்கள்

குழு திட்டங்கள் ஆனது, தனிநபர் திட்டங்கள் மற்றும் குடும்பத் திட்டங்களில் இருந்து வேறுபடுகின்றன. அவற்றுக்குத் தேவையாகிற மாதாந்திர வைப்பு நிதிகள், கணக்கிலிருந்து எவ்வளவு தொகையை, எவ்வளவு அடிக்கடி உங்கள் குழந்தை எடுத்துக் கொள்ள முடியும், எந்தெந்தக் கல்வித் திட்டங்கள் இதற்குத் தகுதியாகின்றன என்பது குறித்த கூடுதல் விதிகள் இருக்கின்றன. குழு திட்டங்களை, கல்வி உதவித்தொகைத் திட்டங்களில் ஈடுபடுவர்களே விற்பனை செய்கிறார்கள், இவர்கள் முதலீட்டுத் திட்டங்களை எந்தெந்த மாகாணங்கள் மற்றும் பிரதேசங்களில் பொதுமக்களுக்கு விற்பனை செய்கிறார்களோ அவற்றில் உள்ள பங்குகள் ஒழுங்குமுறை ஆணையத்தில் பதிவு செய்து கொண்டுள்ளார்கள். கல்வி உதவித்தொகைத் திட்டங்களில் ஈடுபடுபவர்கள் பெற்றுத் தரும் திட்டங்களை அபராதம் இல்லாமல் இரத்து செய்து கொள்வதற்கு உங்களுக்கு 60 நாட்கள் கால அவகாசம் இருக்கின்றது.

exclamation mark

உங்களுக்குத் தெரியுமா?

உங்களிடம் ஒரு கணக்கு (RESP) (ஆர்இஎஸ்பி) இருந்தால், கனடா அரசாங்கம் ஒரு குறிப்பிட்ட வரம்பு வரை கூடுதல் சேமிப்பு ஊக்கத் தொகைகளை வழங்கும். நீங்கள் பெற்றுக் கொள்ளும் தொகையானது, உங்களது வருடாந்திரப் பங்களிப்புத் தொகையையும், உங்கள் வீட்டாரின் வருடாந்திர வருமானத்தையும் பொருத்தே இருக்கும்.

உங்களது குழந்தையின் கல்விக்காகப் பணம் சேர்த்து வைக்க நீங்கள் TFSA (டிஎஃப்எஸ்ஏ) கணக்கு, ஒரு டிரஸ்ட் அல்லது பதிவு செய்யாத கணக்கு போன்ற வேறு வகைக் கணக்குகளையும் உபயோகிக்கலாம். RESP (ஆர்இஎஸ்பி) கணக்குகள் உள்ளிட்ட ஒவ்வொரு வகைக் கணக்கிற்கும், அவைகளுக்கே உரிய அம்சங்களும் கட்டுப்பாடுகளும் இருக்கத்தான் செய்கின்றன. உங்களுக்கும், உங்களது குடும்பத்தினருக்கும் மிகச் சிறந்த தீர்மானங்களை எடுக்கும் வகையில், உங்களுக்குள்ள வழிவகைகளையும், வெவ்வேறு வகையான கணக்குகள் மற்றும் முதலீடுகள் அனைத்தையும் நீங்கள் பரிசீலித்து விடுகிறீர்கள் என்பதைப் பார்த்துக் கொள்ளுங்கள்.

கணக்குகள் குறித்தும், திட்டம் ஒன்றைத் தெரிவு செய்யும்போது கேட்க வேண்டிய கேள்விகள் குறித்ததுமான இன்னும் அதிகத் தகவல்களுக்கு, தயவுசெய்து GetSmarterAboutMoney.ca என்ற RESP திட்டத்தை வழங்கும் இணையதளத்திற்குச் சென்று பாருங்கள்

exclamation mark

மத்திய அரசாங்கத்தில் பதிவு செய்துள்ள திட்டங்கள் (உதாரணமாக: வரியில்லா சேமிப்புக் கணக்குகள், பதிவுபெற்ற பணிஓய்வு சேமிப்புத் திட்டங்கள் மற்றும் பதிவுபெற்ற கல்வி சேமிப்புத் திட்டங்கள்) ஆகியவற்றைக் கனடா அரசின் முகமையான Canada Revenue Agency முகமையே ஒழுங்குபடுத்துகின்றது. Canada Revenue Agency இணையதளத்தில் இத்தகைய திட்டங்கள் குறித்த மிகச் சமீபத்திய தகவல்களும், விதிகளும் இருக்கின்றன.

Magnifying glass over eye

முதலீட்டு மோசடிகளைப் புரிந்துணரக் கற்றுக் கொள்ளுங்கள்

‘உள்ளது சொல்ல ஊருமல்ல நல்லது சொல்ல நாடுமல்ல’ என்றொரு பழமொழி இருக்கிறது. மோசடியான முதலீட்டு வாய்ப்புகளும், அவற்றை விற்க முயற்சிக்கிறவர்களும் சில நேரங்களில் நம் மனதை மயக்குவதாகத் தோன்றும், ஆகவே சில பொதுவான மோசடிகள் எவ்விதமாகத் தோற்றமளிக்கின்றன என்பதையும், அவை எங்கெங்கே நேரலாம் என்பதையும் தெரிந்து கொள்வது முக்கியமானதாகும்.

மோசடி செய்பவர்கள் உங்களை அணுகக்கூடிய ஒரு விதம் என்பது, நீங்கள் சேர்ந்துள்ள குழு அல்லது சமுதாய ஸ்தாபனங்கள் வாயிலாகவேயாகும்.  மோசடி செய்பவர்கள் தாங்கள் மோசடி செய்யவுள்ளவர்களின் நம்பிக்கையைப் பெறுவதற்காக அவர்களின் மதச் சமுதாயத்தை அல்லது கலாச்சார அடையாளத்தை உபயோகித்துக் கொள்வார்கள். மோசடி செய்பவர்கள் பெரும்பாலும் இவர்களோடு சேர்ந்து அந்தக் குறிப்பிட்ட குழுவிற்கான தன்னார்வத் தொண்டு புரிவார்கள், சமுதாயக் கூடுகைகளில் கலந்து கொள்வார்கள், அதோடு பெரும்பாலும் அவர்கள் அதே சமுதாயத்தைச் சேர்ந்தவர்களாகவே இருக்கிறார்கள். அவர்கள் கனடாவில் நீண்ட காலம் இருந்திருக்கலாம், அதன் காரணமாக, இவர்களது மோசடி வலையில் விழ வாய்ப்புள்ளவர்களுக்கு பரிச்சயமில்லாத கனடா நாட்டு நிதித்துறையில் அவர்கள் நம்பிச் சார்ந்திருக்கக்கூடிய ஒருவராகத் தோற்றமளிக்கலாம். வலுவான உறவு ஒன்றை ஏற்படுத்திக் கொண்டதும், இவர்கள் தங்களது திட்டத்தில் முதலீடு செய்யுமாறு மக்களின் மனதில் ஆசை காட்டுகிறார்கள். இதைத் தான் ‘உறவு மோசடி’ என்கிறோம்.

மோசடி வலையில் விழுகிறவர்கள் அவர்களது ஆயுட்காலச் சேமிப்புகளில் கொஞ்சத்தை அல்லது எல்லாவற்றையுமே மோசடியில் இழந்து போய் விடலாம். நிறைய பேர், சங்கடப்படுவதன் காரணமாக அல்லது தங்களது நண்பர்கள் மற்றும் குடும்பத்தினரிடமிருந்து பதிலுக்கு ஏதாவது செய்வார்கள் என்று நினைத்து இதுபோன்ற மோசடிகளைப் பெரும்பாலும் வெளியில் சொல்வதில்லை. அவர்கள் அக்குழுவிற்குள்ளாகவே பிரச்சினைகளைத் தீர்த்துக்கொள்ள முயற்சிப்பார்கள், அது மோசடி வலையில் விழக்கூடியவர்களை அதே மோசடியில் விழச் செய்து விடலாம்.

மோசடி செய்பவர்கள், உங்களுக்கும், நீங்கள் கடினமாக உழைத்துச் சம்பாதித்த பணத்திற்கும் இடையில் புகுவதற்கு அத்தனை வித்தைகளையும் புரிவார்கள். கிடைக்கும் ஆதாயம் என்ன என்பதைத் தெரிந்து கொள்வது, நீங்கள் முதலீட்டு மோசடிகளில் பணத்தை இழப்பதைத் தவிர்க்கச் செய்து விடலாம்.

முதலீட்டு மோசடிகளின் பொதுவான அடையாளங்கள்

Rainbow

சொற்ப ஆபத்தோடு அல்லது சுத்தமாக ஆபத்தே இல்லாமல் மிக அதிக ஆதாயங்கள்

பொதுவாகவே, அதிக ஆபத்துள்ள முதலீடுகள் தான் அதிக வாய்ப்புள்ள ஆதாயங்களைக் கொடுக்கின்றன, அதோடு குறைந்த ஆபத்துள்ள முதலீடுகள், குறைவான வாய்ப்புள்ள ஆதாயங்களையே கொடுக்கின்றன. இதைத் தான் ‘ஆபத்து-ஆதாய உறவு’ என்கிறோம். சொற்ப ஆபத்தோடு அல்லது ஆபத்தே இல்லாமல் அதிகமான ஆதாயங்கள் தருகிற முதலீடு ஒன்றை யாரேனும் உங்களுக்கு வாக்குறுதியளிக்கிறார் என்றால், அவர்கள் சொல்கிற அந்த முதலீடு ஒரு மோசடியாக இருக்கலாம்.

Hourglass

வாங்குமாறு வற்புறுத்துவது

மோசடி செய்பவர்கள், உங்கள் பணத்தை விரைவாகக் கைப்பற்றி விட்டு, மோசடி வலையில் விழும் அடுத்த ஆட்களை நோக்கிச் சென்று விடுவதற்காக அதிக-அழுத்தம் தரும் விற்பனை யுக்திகளையே பெரும்பாலும் உபயோகிக்கிறார்கள். உங்கள் பணத்தை முதலீடு செய்வது என்பது மிகுந்த அக்கறை எடுத்துச் செய்ய வேண்டியதோர் முடிவாகும், அதோடு அதனை அவகாசம் எடுத்துக் கொண்டு, நன்கு பரிசீலித்துமே முடிவு செய்ய வேண்டும். அப்போதே முடிவெடுக்குமாறு உங்களிடம் சொல்கிறார்கள் என்றாலோ அல்லது குறுகிய காலச் சலுகையை வழங்குகிறார்கள் என்றாலோ மிகவும் எச்சரிக்கையாக இருங்கள். மோசடி செய்பவர்கள், அவர்களது திட்டத்தை இன்னதென்று தெரிந்து கொள்வதற்கு உங்களுக்குப் போதிய அவகாசத்தைக் கொடுக்க விரும்புவதில்லை.

List

பதிவுபெறாத விற்பனையாட்கள் அல்லது ஆலோசகர்கள்

நீங்கள் முதலீடு செய்வதற்கு முன்பாக, உங்களுக்கு முதலீட்டுத் திட்டம் குறித்துச் சொல்கிற நபர் பதிவுபெற்றவரா எனப் பாருங்கள். பொதுவாக, பங்குகளை விற்பனை செய்கிற அல்லது முதலீட்டு ஆலோசனைகளைத் தருகிற எவரும், அவர்களது மாகாணப் பங்குகள் ஒழுங்குமுறை ஆணையத்தில் பதிவு செய்திருந்தாக வேண்டும். முதலீட்டுத் திட்டங்களை விற்பனை செய்கிறவர் கனடாவில் வியாபாரம் செய்வதற்காக பதிவு செய்திருக்கவில்லை என்றால், அவர்கள் முதலீட்டுத் திட்டங்களை விற்பனை செய்வதற்கு அங்கீகாரமாவது பெற்றிருக்கிறார்களா என நீங்கள் கேட்க வேண்டும்.

பதிவு செய்திருப்பதை சரிபார்ப்பது குறித்த இன்னும் அதிகத் தகவல்களைத் தெரிந்து கொள்ளுங்கள் (ஆங்கிலம்/பிரெஞ்சு மொழியில் மட்டும்)

exclamation mark

மோசடி குறித்து அறிவிப்பதற்கு நீங்கள் தயங்கலாம், ஆனால் முதலீட்டு மோசடி என்பது எவருக்கு வேண்டுமானாலும் நேரலாம் என்பதை ஞாபகம் வைத்துக் கொள்வது முக்கியமானதாகும். மோசடி செய்யும் ஒருவர் உங்களை அணுகியிருக்கிறார் எனவோ அல்லது மோசடி ஒன்றில் நீங்கள் சிக்கியிருக்கலாம் எனவோ உங்களுக்கு சந்தேகம் எழுந்தால், தயவுசெய்து உடனடியாக எங்களைத் தொடர்பு கொள்ளுங்கள்.

முதலீட்டு மோசடிகள் ஏற்படாமல் தவிர்த்தல்

Chat bubble with a tie

இரண்டாவது அபிப்பிராயம் ஒன்றைக் கேட்டுப் பெறுங்கள்

தொலைபேசி, ஆன்லைன் வாயிலாக அல்லது அறிமுகமானவர்களிடமிருந்து உங்களுக்கு வருகிற விரும்பத்தகாத முதலீட்டு வாய்ப்புகளைக் குறித்து ஐயமடையுங்கள். நீங்கள் முதலீடு செய்வதற்கு முன்பாக, எங்களைத் தொலைபேசியில் அழையுங்கள் அல்லது பதிவுபெற்ற ஆலோசகர் என நீங்கள் உறுதி செய்துள்ள யாராவது ஒருவரிடமிருந்து இரண்டாம் அபிப்பிராயம் ஒன்றைப் பெற்றுக் கொள்ளுங்கள். நீங்கள் யாராவது ஒரு வழக்கறிஞர் அல்லது கணக்காளர் ஒருவரிடமும் ஆலோசனை பெற்றுக் கொள்ளலாம்.

Clock

உங்களுக்குத் தேவையான கால அவகாசத்தை எடுத்துக் கொள்ளுங்கள்

குறைந்த காலச் சலுகைகள் குறித்தும், அதிக-அழுத்தம் தருகிற விற்பனையாட்கள் குறித்தும் ஐயம் கொள்ளுங்கள். அம்முதலீடு சட்டப்பூர்வமானதாக இருக்கிற பட்சத்தில், நீங்கள் எடுத்த எடுப்பிலேயே முதலீடு செய்ய வேண்டியதில்லை. தகவல் தெரிந்த முடிவு ஒன்றை எடுக்க உங்களுக்குத் தேவையான அவகாசத்தை எடுத்துக் கொள்ளுங்கள்.

Computer

முதலீட்டை ஆராய்ந்து பாருங்கள்

நீங்கள் முதலீடு எதையும் செய்வதற்கு முன்பாக, அது எவ்விதம் செயல்படுகிறது என்பதையும், அதோடு தொடர்புடையதாக உள்ள ஆபத்துக்கள் மற்றும் கட்டணங்களையும் புரிந்து கொள்ளுங்கள். கேள்விகளைக் கேட்டுத் தெரிந்து கொள்ள அச்சம் கொள்ளாதீர்கள். அது உங்களது நிதி இலக்குகள் மற்றும் தேவைகளுக்குப் பொருத்தமானதாக இருக்கிறது என்பதைப் பார்த்துக் கொள்ளுங்கள்.

Group of faces, one wearing a mask to look like the others

நீங்கள் முதலீடு செய்வதற்கு முன்பாக சரிபார்த்துக் கொள்ளுங்கள்

முதலீட்டு மோசடி ஏற்படாமல் தவிர்ப்பதற்கான மிகச் சிறந்த வழிகளில் ஒன்று, முதலீட்டுத் திட்டம் ஒன்றை அல்லது முதலீட்டு ஆலோசனை ஒன்றைத் தருகிற எவரும், அப்படி அதைத் தருவதற்குப் பதிவுபெற்றவரா என்பதைச் சரிபார்ப்பதேயாகும். பொதுவாக, பங்குகளை விற்கும் அல்லது முதலீட்டு ஆலோசனையைத் தரும் எவரும், அவர்கள் முதலீட்டுத் திட்டங்களை விற்பனை செய்கிற மாகாணங்கள் மற்றும் பிராந்தியங்களில் உள்ள பங்குகள் ஒழுங்குமுறை ஆணையத்தில் பதிவுபெற்றவராக இருந்தாக வேண்டும்.

ஏன் பதிவு செய்வது முக்கியமானது?

பதிவுசெய்வது முதலீட்டாளர்களைப் பாதுகாக்க உதவுகிறது ஏனென்றால், Ontario Securities Commission போன்ற முதலீட்டு ஒழுங்குமுறை ஆணையங்கள், பொதுமக்களுக்கு முதலீட்டுத் திட்டங்களை விற்பனை செய்வதற்கு அல்லது முதலீட்டு ஆலோசனைகளை வழங்குவதற்கான கல்வித்தகுதி பெற்றவர்களை மட்டுமே பதிவுசெய்து கொள்ளும்.

பதிவு பெற்றுள்ளாரா என்பதைச் சரிபார்ப்பது விரைவானதும் எளிதானதுமாகும். அவர்கள் பதிவு செய்துள்ள நிலையைத் தெரிந்து கொள்ள ‘நேஷனல் ரெஜிஸ்ட்ரேஷன் சர்ச்’ வசதியை உபயோகித்து, முதலீட்டுத் துறையில் உள்ள எந்தவொரு நபரின் அல்லது வியாபார நிறுவனத்தின் ஒழுக்க வரலாற்றைப் பரிசீலியுங்கள்.

Ontario Securities Commission லோகோ

ஓண்டாரியோ செக்யூரிட்டீஸ் கமிஷன்

Ontario Securities Commission (OSC) என்பது, ஓண்டாரியோவில் உள்ள மூலதனச் சந்தைகளை ஒழுங்குபடுத்தப் பொறுப்பானதாக இருக்கிறதோர் ஒழுங்குமுறை ஆணையம் ஆகும். OSC ஆணையமானது, அநியாயமான, முறையற்ற அல்லது மோசடியான பழக்கவழக்கங்களில் இருந்து முதலீட்டாளர்களுக்குப் பாதுகாப்பளித்து, நியாயமானதும், திறம்பட்டதுமான முதலீட்டுச் சந்தைகளையும், முதலீட்டுச் சந்தைகளில் நம்பிக்கையையும் பேணி வளர்க்கிறது.

ஓண்டாரியோ மாகாணத்தில் பங்குகளில் வர்த்தகம் புரிந்து, முதலீட்டாளர்களுக்கு ஆலோசனை வழங்குகிறவர்களும், வியாபார நிறுவனங்களும் ஓண்டாரியோ மாகாணப் பங்கு வர்த்தக விதிகளைப் பின்பற்றியாக வேண்டும். விதிகளைப் பின்பற்றாதவர்கள் மீது OSC ஆணையத்தால் நடவடிக்கை எடுக்க முடியும்.

The Investor Office (www.InvestorOffice.ca) அலுவலகம் OSC ஆணையத்தின் ஓர் அங்கமாகவே இருக்கிறது. Investor Office வியூகப் போக்கை அமைத்துக் கொடுத்து, முதலீட்டாளர் ஈடுபாடு, கல்வி, உதவி மற்றும் ஆராய்ச்சியில் OSC -ன் முயற்சிகளை முன்னின்று நடத்துகிறது. அலுவலகம் ஆனது, கொள்கை உருவாக்குவதியிலும், இயக்கங்களிலும் முதலீட்டாளர்களின் கண்ணோட்டத்தையும் கொண்டு வருகிறது.

GetSmarterAboutMoney.ca லோகோ

GetSmarterAboutMoney.ca

GetSmarterAboutMoney.ca என்பது Ontario Securities Commission -வின் இணையதளமாகும், இது சுதந்திரமானதும், ஒருதலைப்பட்சமில்லாததுமான தகவல்களை வழங்கி, உங்களது பணத்தைக் குறித்து சிறப்பான முடிவுகளை எடுக்க உங்களுக்கு உதவுவதற்கான நிதி வசதிகளைத் தருகிறது.

இங்கே, கனடா சந்தைகளில் வியாபார ஸ்தாபனங்களும், தொழில்நிபுணர்களும் கொண்டுள்ள வெவ்வேறு பாத்திரங்கள், கனடாவில் கிடைக்கிற வெவ்வேறு வகையான முதலீட்டுக் கணக்குகள், மற்றும் முதலீட்டுத் திட்டம் ஒன்றை நீங்கள் தேர்ந்தெடுப்பதற்கு முன்பாக நீங்கள் கேட்க வேண்டிய கேள்விகள் போன்ற, முதலீட்டு அடிப்படை விஷயங்கள் குறித்த தகவல்களைக் காண்பீர்கள்.

உங்களுக்கும், உங்களது குடும்பத்தினருக்குமான, நல்ல தகவல் தெரிந்த முடிவுகளை நீங்கள் எடுக்க உதவும் வகையில், GetSmarterAboutMoney.ca இணையதளத்தில் கணக்கிடும் கருவிகள், பணித்தாள்கள் மற்றும் வினாவிடைகள் ஆகியவையும் இருக்கின்றன.

இன்னும் அதிகம் தெரிந்து கொள்க

(ஆங்கிலம்/பிரெஞ்சு மொழியில் மட்டும்)

Hands holding up the letter 'i'

விசாரணைகள் மற்றும் தொடர்பு மையம்

முதலீட்டு நிறுவனம் ஒன்றைக் குறித்து, முதலீட்டுத் திட்டம் ஒன்றைக் குறித்து, அல்லது உங்கள் ஆலோசகரின் நடவடிக்கைகள் குறித்து உங்களிடம் கேள்வியொன்றோ அல்லது புகாரொன்றோ இருக்கிற பட்சத்தில் நீங்கள் Ontario Securities Commission ஆணையத்தின் விசாரணை மற்றும் தொடர்பு மையத்தைத் தொலைபேசியில் தொடர்பு கொள்ளலாம்.

அக்குழுவினர் உங்கள் கேள்விகளுக்கு 200-க்கும் மேற்பட்ட மொழிகளில் பதிலளிக்க முடியும்.

இவ்விசாரணைகள் மற்றும் தொடர்பு மையம் உங்களது கேள்விகளுக்குப் பதிலளித்து, Ontario Securities Commission ஆணையத்தில் உள்ள இன்னொரு கிளைக்கு உங்கள் புகார் அல்லது விசாரணையை பரிந்துரைத்து அனுப்பி வைக்கலாம்.

கேள்வியொன்றைக் கேளுங்கள்

Phone

உள்ளூர் (டொராண்டோ)

416-593-8314

(ஆப்ஷன் 0)

Map of North America

கட்டணமில்லாத எண் (வட அமெரிக்கா)

1-877-785-1555

(ஆப்ஷன் 0)

Ear

TTY

1-866-827-1295

Piece of paper

தொலைநகல்

416-593-8122

(கேள்விகள் மற்றும் புகார்கள்)

Envelope

மின்னஞ்சல்

inquiries@osc.gov.on.ca