திட்டமிடல் மற்றும் நிர்வகித்தல்

RDSPs

---

பதிவுசெய்யப்பட்ட வலுவிழப்புக்கான சேமிப்புத் திட்டம் (RDSP) என்பது எதிர்காலச் சேமிப்புக்காக வரிக் குறைப்புப் பெறத் தகுதியுடைய வலுவிழந்தோருக்கு உதவும் ஒரு நீண்ட காலச் சேமிப்புத் திட்டமாகும்.
நீங்கள் ஒரு திட்டத்தை ஆரம்பிக்கும்போது, அரசாங்கத்திடம் இருந்து மானியங்கள் மற்றும் பத்திரங்களைப் பெறக்கூடும், அத்துடன் உங்களின் முதலீடுகள் வரி இல்லாமல் பெருகும்.

RDSPகள் பற்றி அறிந்திருக்கவேண்டிய 8 விடயங்கள்

1. பயனாளி என்பது வலுவிழப்புள்ள நபர் ஆவார், எதிர்காலத்தில் அவருக்குப் பணம் கிடைக்கும்.

2. திட்டம் வைத்திருப்பவர் RDSP ஐ ஆரம்பித்து நிர்வகிக்கும் நபர் ஆவார். அந்தப் பயனாளியே திட்டத்தை வைத்திருப்பவராகவும் இருக்கலாம்.

3. பங்களிப்புகளுக்கு வருடாந்த வரம்பு இல்லை, ஆனால் ஒரு பயனாளிக்கான வாழ்நாள்ப் பங்களிப்பு வரம்பு $200,000 ஆகும்.

4. பயனாளிக்கு 59 வயதாகும்வரை திட்டத்துக்குப் பங்களிப்புகளைச் செய்யலாம்.

5. பங்களிப்புகளுக்கு வரி விலக்கு இல்லை, ஆனால் உங்களின் சேமிப்பு, வரி இல்லாமல் பெருகும். திட்டத்தில் இருக்கும்வரை, முதலீட்டிலிருந்து கிடைக்கும் வருமானத்திற்கு வரி இல்லை.

6. 59 வயதுவரை, கனடா வலுவிழந்தோர் சேமிப்பு மானியம் மற்றும் கனடா வலுவிழந்தோர் சேமிப்புப் பத்திரத்தின் கீழ் RDSPக்கான அரசாங்கப் பங்களிப்புகளுக்குப் பயனாளி தகுதியுடையவராக இருக்கலாம்.

7. திட்டம் ஆரம்பிக்கப்படும் இடத்தைப் பொறுத்து, RDSP சேமிப்புக்களை பல்வேறு முதலீடுகளில் வைத்திருக்க முடியும்.

8. 60 வயதளவில் திட்டத்திலிருந்து கிரமமான கொடுப்பனவுகளை (வலுவிழந்தோருக்கான உதவித் தொகைகள்) பயனாளி எடுக்கத் தொடங்க வேண்டும்.

RDSP பங்களிப்புகள் மற்றும் மீளப் பெறல்

பயனாளிக்கு 59 வயதாகும் ஆண்டின் இறுதி வரை அல்லது $200,000 பங்களிப்பு வரம்புவரை யார் வேண்டுமானாலும் RDSPக்கு பங்களிக்கலாம்.

பொதுவாக, உங்களின் RDSP இலிருந்து பணத்தை நீங்கள் மீளப்பெற்றால், திட்டத்தில் 10 ஆண்டுகளுக்குக் குறைவாக இருக்கும் மானியங்கள் மற்றும் பத்திரங்களில் சிலவற்றை அல்லது அனைத்தையும் நீங்கள் திருப்பிச் செலுத்தவேண்டும்.

1. வழக்கமான கொடுப்பனவுகளை 60 வயதில் பெற்றுக்கொள்ளத் தொடங்க வேண்டும்

2. குறைந்தபட்சம் ஆண்டுதோறுமாவது கொடுப்பனவுகளைப் பெற்றுக்கொள்ள வேண்டும்

3. பங்களிப்புகளைக் கொடுப்பனவுகள் மேவினால் அந்த அளவுக்கு ஏற்ப வரி விதிக்கப்படும்.

RESPs

---

பதிவுசெய்யப்பட்ட கல்விக்கான சேமிப்புத் திட்டம் (RESP) என்பது உங்களின் பிள்ளையின் உயர்நிலைப் பாடசாலைக்குப் பின்னரான கல்விக்குச் சேமிக்க உதவும் ஒரு பிரத்தியேகச் சேமிப்புத் திட்டமாகும்.

உங்களிடம் ஒரு பிள்ளைக்கான RESP இருந்தால், உங்களின் பிள்ளையின் கல்விக்காகச் சேமிப்பதற்கு உங்களுக்கு உதவுவதற்காக, கல்விக்கான மானியங்களை ஒரு குறிப்பிட்ட வரம்புவரை வழங்குவதன் மூலம் கனடா அரசாங்கம் மேலதிக சேமிப்புச் சலுகைகளை வழங்கும். நீங்கள் பெறும் தொகை உங்களின் வருடாந்தப் பங்களிப்பு மற்றும் குடும்ப வருமானத்தைப் பொறுத்திருக்கும்.

3 வகையான of RESPs

RRIFs

---

பதிவுசெய்யப்பட்ட ஓய்வுகால வருமானத்துக்கான நிதி (RRIF) என்பது உங்களின் பதிவுசெய்யப்பட்ட ஓய்வுகாலச் சேமிப்புகளை வைத்திருந்து உங்களின் ஓய்வுக்குப் பின்னர் உங்களுக்கு வருமானத்தை வழங்கும் ஒரு கணக்கு ஆகும்.

RRSP போன்ற ஓய்வுகாலக் கணக்கிலிருக்கும் சேமிப்பை இடம்மாற்றுவதன் மூலம் ஒரு RRIF ஐ நீங்கள் ஆரம்பிக்கலாம்.

RRIFகளைப் பற்றி தெரிந்துகொள்ள வேண்டிய 6 விடயங்கள்

1. உங்களுக்கு 71 வயதாகும் ஆண்டு முடிவுக்கு முன்னர், எப்போது வேண்டுமானாலும் ஒரு RRIFஐ நீங்கள் ஆரம்பிக்கலாம்.

2. உங்களின் RRSP இலிருந்து பணத்தை இடமாற்றுவதன் மூலம் ஒரு RRIFஐ நீங்கள் ஆரம்பிக்கிறீர்கள். ஓய்வூதியத் திட்டங்கள் மற்றும் DPSPகள் போன்ற பதிவுசெய்யப்பட்ட பிற திட்டங்களிலிருந்து பணமாற்றங்கள் சில சூழ்நிலைகளில் அனுமதிக்கப்படுகின்றன.

3. RRIF அமைக்கப்பட்டதும், திட்டத்திற்கு உங்களால் மேலும் பங்களிப்புகளைச் செய்யமுடியாது. இருப்பினும், ஒன்றுக்கும் மேற்பட்ட RRIFகளை நீங்கள் வைத்திருக்கலாம்.

4. RRIFல் வைத்திருக்கும் முதலீடுகளின் வகைகளை நீங்கள் தெரிவு செய்கிறீர்கள். உதாரணங்கள்: GICகள், mutual funds, ETFகள், segregated funds, பங்குகள் மற்றும் பத்திரங்கள்.

5. ஒவ்வொரு வருடமும் உங்களின் RRIF இலிருந்து குறைந்தபட்சத் தொகையை எடுக்க வேண்டும். உங்களுக்கு வயதாகும்போது இந்த அளவு அதிகரிக்கிறது. மீளப்பெறலுக்கான அதிகபட்ச வரம்பு எதுவுமில்லை.

6. நீங்கள் இறக்கும்போது உங்களின் RRIF இல் ஏதாவது பணம் இருந்தால், அது நீங்கள் பெயரிட்ட பயனாளர்களுக்கோ அல்லது உங்களின் சொத்துக்குகோ சேர்க்கப்படும்.

RRIF மீளப்பெறல்

நீங்கள் RRIF ஐ ஆரம்பித்த அடுத்த வருடத்திலிருந்து நீங்கள் பணத்தை எடுக்கத் தொடங்க வேண்டும். ஒவ்வொரு ஆண்டும் உங்களின் RRIF இலிருந்து நீங்கள் எடுக்க வேண்டிய குறைந்தபட்சத் தொகையை மத்திய அரசு தீர்மானிக்கிறது, அது உங்களின் RRIFஇன் பெறுமானத்தின் குறித்த சதவீதத்தை அடிப்படையாகக் கொண்டிருக்கும்.

RRIF கட்டணங்கள்

பெரும்பாலான RRIFகளை உருவாக்குவதற்குக் கட்டணம் இல்லை, ஆனால் நீங்கள் ஒரு திட்டத்தை ஆரம்பித்த பின்னர் வேறு கட்டணங்களை நீங்கள் செலுத்த வேண்டியிருக்கலாம். இந்தக் கட்டணங்களில் வருடாந்த நிர்வாக அல்லது அறங்காவலர் கட்டணம், முதலீட்டுக் கட்டணம், உங்களின் RRIF இல் மாற்றங்களைச் செய்வதற்கான கட்டணங்கள் ஆகியவை அடங்கும்.

RRSPs

---

பதிவுசெய்யப்பட்ட ஓய்வுகாலச் சேமிப்புத் திட்டம் (RRSP) என்பது மத்திய அரசாங்கத்தில் பதிவுசெய்யப்பட்ட ஒரு கணக்காகும், அத்துடன் இது ஓய்வுகாலத்துக்கான பணத்தைச் சேமிக்க உதவுவதை நோக்கமாகக் கொண்டிருக்கிறது. RRSP பங்களிப்புகளுக்கான வரிகள் ஒத்திவைக்கப்படுகின்றன. அதாவது, பங்களிப்புகளுக்குப் பயன்படுத்தப்படும் உங்களின் வருமானத்திற்கு நீங்கள் வரி செலுத்த மாட்டீர்கள், ஆனால் மீளப் பெறுவதற்கு நீங்கள் வரி செலுத்துவீர்கள்.

RRSPஐ நீங்கள் ஆரம்பிக்க முன், கனடாவில் நீங்கள் வேலைசெய்திருக்க வேண்டும், அத்துடன் வரியைத் தாக்கல் செய்திருக்க வேண்டும். RRSPக்கு நீங்கள் பங்களிக்கக்கூடிய தொகையானது, நீங்கள் சம்பாதித்த வருமானத்தின் அடிப்படையில், குறிப்பிட்ட வரம்புவரையுள்ளதாக இருக்கும்.

RRSP ஒன்றை ஆரம்பிப்பதற்கான 5 காரணங்கள்

1. பங்களிப்புகளுக்கு வரி விலக்கு உண்டு. உங்களின் RRSP பங்களிப்புகளை உங்களின் வரிக் கணக்கின் மீதான விலக்காகக் கோரமுடியும். உதாரணத்துக்கு, நீங்கள் ஒன்ராறியோவில் உச்ச வரி வரம்பில் இருந்தால், நீங்கள் பங்களிக்கும் ஒவ்வொரு $1,000 டொலரும் நீங்கள் செலுத்தும் வரியைக் கிட்டத்தட்ட 535 டொலரால் குறைக்கிறது

2. சேமிப்புகள் வரி இல்லாமல் பெருகும். உங்களின் RRSP யில் இருக்கும்வரைக்கும் முதலீட்டிலிருந்து கிடைத்த வருமானத்திற்கு நீங்கள் வரி எதனையும் செலுத்த மாட்டீர்கள். இந்த வரி இல்லாத கூட்டு வட்டி உங்களின் சேமிப்பு வேகமாக அதிகரிப்பதற்கு வழிசெய்கிறது.

3. நீங்கள் ஓய்வுபெறும்போது கிரமமான கட்டணங்களைப் பெறும்வகையில் உங்களின் RRSPஐ நீங்கள் மாற்றலாம். நீங்கள் ஓய்வுபெறும்போது உங்களின் வரியற்ற RRSP சேமிப்பை RRIFஆக அல்லது நிலையான ஒரு ஆண்டுத்தொகை வருமானமாக (annuity) மாற்றலாம். ஒவ்வொரு ஆண்டும் நீங்கள் பெறும் கிரமமான கொடுப்பனவுகளுக்கு நீங்கள் வரி செலுத்துவீர்கள்  — ஆனால் நீங்கள் ஓய்வெடுத்திருக்கும்போது குறைந்த வரிப் பிரிவில் இருந்தால், குறைந்த வரியையே செலுத்துவீர்கள். நீங்கள் 71 வயதை அடையும் திகதி இதை மாற்றுவதற்குத் தேவையான திகதியாக இருக்கும்.

4. துணைவரின் RRSP உங்களின் ஒருங்கிணைந்த வரிச்சுமையைக் குறைக்கலாம். உங்களின் துணைவரைவிட நீங்கள் அதிக பணம் சம்பாதித்தால், உங்களின் துணைவரின் RRSPக்குப் பங்களிப்பதன் மூலம் அவரின் வரியில்லா சேமிப்பைக் கட்டியெழுப்ப உதவலாம். பின்னர் ஓய்வுகால வருமானம் உங்கள் 2 பேருக்கும் இடையே சமமாகப் பிரிக்கப்படும் – அது நீங்கள் செலுத்தும் மொத்த வரித் தொகையைக் குறைக்கலாம்.

5. உங்களின் முதலாவது வீட்டை வாங்குவதற்கு அல்லது உங்கள் கல்விக்குப் பணம் செலுத்துவதற்கு உங்கள் RRSP இலிருந்து கடன் வாங்கலாம்.
   உங்களின் முதலாவது வீட்டிற்கு முன்பணமாக $35,000 அல்லது உங்களினதோ அல்லது உங்களின் துணையினதோ கல்விச் செலவுகளுக்கு $20,000வரை நீங்கள் எடுத்துக்கொள்ளலாம். குறிப்பிட்ட காலக்கெடுவுக்குள் அந்தப் பணத்தைத் திருப்பிச் செலுத்தினால், இந்த மீளப் பெறுதல்களுக்கு நீங்கள் வரி எதனையும் செலுத்த மாட்டீர்கள்.

TFSA மற்றும் RRSP ஒப்பீடு

உங்களின் சேமிப்பு இலக்குகளை அடைய உதவும் வகையில் TFSAகள், RRSPகள் ஆகிய இரண்டுமே வரிச் சலுகைகளை வழங்குகின்றன. ஓய்வு காலத்துக்காகச் சேமிப்பதற்கு இரண்டையும் பயன்படுத்தலாம். ஆனால் நீங்கள் ஏதாவது ஒன்றைத் தெரிவுசெய்ய வேண்டும் என்றால், அவை எவ்வாறு வேறுபடுகின்றன என்பது உங்களுக்கு விளங்குகிறது என்பதை உறுதிப்படுத்திக் கொள்ளுங்கள். பின்னர் உங்களின் தனிப்பட்ட நிதி மற்றும் வரி நிலைமையின் அடிப்படையில் உங்களின் தெரிவை மேற்கொள்ளுங்கள்.

TFSAs

---

வரியற்ற சேமிப்புக் கணக்கு (TFSA) என்பது மத்திய அரசாங்கத்தில் பதிவுசெய்யப்பட்ட சேமிப்புக் கணக்காகும், இது நீங்கள் விரும்பும் எந்த இலக்கிற்கும் வரி இல்லாமல் சேமிக்க உதவுகிறது.

TFSAகளைப் பற்றித் தெரிந்து கொள்ள வேண்டிய 8 விடயங்கள்

1. நீங்கள் 18 மற்றும் அதற்கு மேற்பட்ட வயதுள்ளவர், அத்துடன் உங்களிடம் செல்லுபடியாகும் சமூகக் காப்புறுதி இலக்கம் ஒன்று இருக்கிறது எனில் நீங்கள் ஒரு TFSAஐ ஆரம்பிக்கலாம்.

2. நிர்ணயிக்கப்பட்ட வரம்புவரை எந்த நேரத்திலும் நீங்கள் பணத்தை வைப்பிலிடலாம்.

3. நீங்கள் விரும்பும் எந்த இலக்கிற்கும் (கார், வீடு, விடுமுறை) வரி இல்லாமல் சேமிக்கலாம்.

4. பங்களிப்பதற்கு நீங்கள் வருமானம் சம்பாதித்திருக்கத் தேவையில்லை.

5. நீங்கள் விரும்பும்போது, எந்தக் காரணத்துக்காகவும், வரி எதுவும் செலுத்தாமல் பணத்தை மீளப் பெறலாம்.

6. பணத்தை நீங்கள் மீளப் பெற்றால், வருடாந்த அதிகபட்சத் தொகையுடன் சேர்த்து அடுத்த ஆண்டு மீள வைப்பிலிடலாம்.

7. பணம், GICகள், பத்திரங்கள், பங்குகள் மற்றும் mutual funds போன்ற பரந்த அளவிலான முதலீடுகளை நீங்கள் TFSA இல் வைத்திருக்க முடியும்.

8. உங்களின் துணைவர் அல்லது பொதுச் சட்டத்தின் கீழ் கூட வாழ்பவரின் கணக்கில் பணத்தை நீங்கள் வைப்பிலிடலாம்.

FHSAகள்

---

முதலாவது வீட்டுக்கான சேமிப்புக் கணக்கு என்பது கனேடியர்கள் முதலாவது வீட்டைக் வாங்குவதற்காகச் சேமிக்குமொரு பதிவுசெய்யப்பட்ட சேமிப்புத் திட்டமாகும்.

FHSAகளைப் பற்றித் தெரிந்துகொள்ள வேண்டிய 5 விடயங்கள்

1. 18 அல்லது அதற்கு மேற்பட்ட வயதுள்ள ஒரு கனேடிய குடியிருப்பாளராக நீங்கள் இருந்தால், FHSAஐ நீங்கள் ஆரம்பிக்கலாம்.

2. FHSA இல் நீங்கள் $40,000 வரை சேமிக்கலாம். வருடத்திற்கு $8,000 வரை நீங்கள் பங்களிக்கலாம்.

3. உங்களின் பங்களிப்புகளுக்கு வரி விலக்கு உண்டு.

4. FHSA ஐ நீங்கள் ஆரம்பித்ததிலிருந்து, 15 ஆண்டுகள்வரை நீங்கள் அதைப் பயன்படுத்த முடியும். அதன் பிறகு, அது மூடப்பட வேண்டும்.

5. வீடொன்றை நீங்கள் வாங்கவில்லை என்றால், உங்களின் FHSAஇல் உள்ள பயன்படுத்தப்படாத சேமிப்பை RRSPக்கு மாற்றலாம். வரிக்கு உட்பட்ட வருமானமாகவும் அதைத் திரும்பப் பெறலாம்.

மேலும் அறியுங்கள்