منصوبہ بندی اور نظم و نسق

آر ڈی ایس پیز (RDSPs)

---

ایک رجسٹرڈ ڈس ایبیلیٹی سیونگز پلان (RDSP) طویل مدتی بچت کا منصوبہ ہے جو ان لوگوں کی مدد کرتا ہے جو ڈس ایبیلیٹی ٹیکس کریڈٹ کے اہل ہیں۔ یہ مستقبل کی بچت کیلئے ہے۔ جب آپ کوئی پلان کھولتے ہیں، تو آپ کو حکومت سے گرانٹ اور بانڈ بھی مل سکتے ہیں اور آپ کی سرمایہ کاری ٹیکس سے پاک ہو جاتی ہے۔

آر ڈی ایس پیز (RDSPs)کے بارے میں جاننےکی 8 چیزیں

1. مستفید ہونے والا وہ فرد ہے جو معذور ہے اور مستقبل میں رقم وصول کرےگا۔

2. پلان ہولڈر وہ فرد ہوتا ہے جو آر ڈی ایس پی کو کھولتا اور اس کا انتظام کرتا ہے۔ مستفید ہونے والا پلان ہولڈر بھی ہو سکتا ہے۔

3. کنٹری بیوشن کی کوئی سالانہ حد نہیں ہے لیکن مستفید ہونے والےکیلئے تاحیات کنٹری بیوشن کی حد 200,000 ڈالر ہے۔

4. اس پلان میں اس وقت تک کنٹری بیوشن کی جا سکتی ہے جب تک کہ مستفید ہونے والا 59 سال کا نہ ہو جائے۔

5. کنٹری بیوشنز ٹیکس میں کٹوتی کے قابل نہیں ہوتیں، لیکن آپ کی بچتیں ٹیکس سے پاک بڑھتی ہیں۔ سرمایہ کاری کی آمدنیوں پرکوئی ٹیکس نہیں ہے، جب تک کہ وہ پلان میں رہیں۔

6. 59 سال کی عمر تک، مستفید ہونے والا کینیڈا ڈس ایبیلیٹی سیونگز گرانٹ، اورکینیڈا ڈس ایبیلیٹی سیونگز بانڈ کے تحت آر ڈی ایس پی میں حکومتی کنٹری بیوشنز کے لئے اہل ہو سکتا ہے۔

7. آر ڈی ایس پی سیونگز مختلف قسم کی سرمایہ کاریوں میں رکھی جا سکتی ہیں، اس کا انحصار اس بات پر ہےکہ پلان کہاں کھولا جاتا ہے۔

8. مستفید ہونے والےکو 60 سال کی عمر تک پلان سے باقاعدہ ادائیگیاں (معذوری کی مدد میں ادائیگیاں) لازمی طور پر لینا شروع کر دینی چاہئیں۔

آر ڈی ایس پی کنٹری بیوشنز اور رقوم واپس نکلوانا

کوئی بھی آرڈی ایس پی میں سال کے آخر تک حصہ ڈال سکتا ہے جس میں مستفید ہونے والا 59 سال کا ہو جائے، یا جب کنٹری بیوشن کی حد 200,000 ڈالر تک پہنچ جائے۔

عام طور پر، اگر آپ اپنے آرڈی ایس پی سے رقم نکالتے ہیں، تو آپ کو لازمی طور پرکچھ یا تمام گرانٹس اور بانڈز واپس کرنا ہوں گے جو 10 سال سے کم عرصے سے پلان میں ہیں۔

1. باقاعدہ ادائیگیاں 60 سال کی عمر سے لازمی طور پر شروع ہونی چاہئیں

2. ادائیگیاں لازمی طور پرکم ازکم سالانہ ہونی چاہئیں

3. ادائیگیاں اس حد تک قابل ٹیکس ہیں جس حد تک وہ کنٹری بیوشن سے بڑھ جاتی ہیں

آر ای ایس پیز (RESPs)

---

رجسٹرڈ ایجوکیشن سیونگز پلان ( آرای ایس پی) ایک وقف شدہ بچت کا منصوبہ ہے جو ہائی اسکول کے بعد اپنے بچےکی تعلیم کیلئے بچت کرنے میں آپ کی مددکرتا ہے۔

اگر آپ کے پاس کسی بچے کے لئے آرای ایس پی ہے، تو حکومت کینیڈا آپ کے بچےکی تعلیم کیلئے بچت کرنے میں آپ کی مددکیلئے ایک مخصوص حد تک تعلیمی گرانٹس کی پیشکش کر کے اضافی بچت کی ترغیبات فراہم کرے گی۔ آپ کو ملنے والی رقم کا انحصار آپ کی سالانہ کنٹری بیوشنز اورگھریلو آمدنی پر ہے۔

آر ای ایس پیز (RESPs)کی 3 اقسام

آر آر آئی ایفس (RRIFs)

---

رجسٹرڈ ریٹائرمینٹ انکم فنڈ ( آر آر آئی ایف) ایک ایسا اکاؤنٹ ہے جو آپ کی رجسٹرڈ ریٹائرمینٹ سیونگز رکھتا ہے اور آپ کے ریٹائر ہونے بعد آپ کو آمدنی فراہم کرتا ہے۔

آپ ریٹائرمینٹ اکاؤنٹ جیسےکہ آر آر ایس پی سے سیونگز منتقل کر کے آر آر آئی ایف کھول سکتے ہیں۔

آر آر آئی ایفس (RRIFs)کے بارے میں جاننےکی 6 چیزیں

1. آپ کسی بھی وقت آر آر آئی ایف کھول سکتے ہیں، لیکن اس سال کے آخرکے بعد نہیں جس میں آپ 71 سال کے ہو جاتے ہیں۔

2. آپ اپنے آر آر ایس پی سے رقم منتقل کر کے آر آر آئی ایف کھولتے ہیں۔ دیگر رجسٹرڈ پلانز جیسےکہ پنشن پلانز اور ڈی پی ایس پیز (DPSP) سے منتقلی کی اجازت مخصوص حالات میں ہے۔

3. جب آر آر آئی ایف سیٹ ہو جاتا ہے، تو آپ پلان میں مزیدکنٹری بیوشن نہیں کر سکتے۔ تاہم، آپ ایک سے زائد آر آر آئی ایف رکھ سکتے ہیں۔

4. آپ آر آر آئی ایف میں رکھنےکیلئے سرمایہ کاری کی اقسام کا انتخاب کرتے ہیں۔ مثالیں:  جی آئی سیز (GICs)، میوچل فنڈز، ای ٹی ایفس (ETFs)، علیحدہ فنڈز، اسٹاکس اور بانڈز۔

5. آپ کو ہر سال اپنے آر آر آئی ایف سے لازمی طور پرکم سےکم رقم نکالنا ہوگی۔ یہ رقم آپ کی عمر بڑھنے کے ساتھ بڑھتی جاتی ہے۔ زیادہ سے زیادہ نکالنےکی کوئی حد نہیں ہے۔

6. اگر آپ کے مرنے کے بعد آپ کے آر آر آئی ایف میں کوئی رقم باقی رہ جاتی ہے، تو یہ آپ کے نامزد مستحقین یا آپ کی اسٹیٹ کو جائےگی۔

آر آر آئی ایف (RRIF) سے نکالنا

آپ کو اپنے آر آر آئی ایف کو کھولنے کے بعد سال میں اس سے رقم نکالنا شروع کرنا ہوگی۔ وفاقی حکومت کم از کم رقم مقرر کرتی ہے جو آپ کو ہر سال اپنے آر آر آئی ایف سے لازمی طور پر نکالنا ہوگی اور یہ آپ کے آر آر آئی ایف کی قدر و قیمت کے شرح فیصد پر مبنی ہے۔

آر آر آئی ایف (RRIF)کی فِیسیں

زیادہ تر آر آر آئی ایفس کیلئےکوئی سیٹ اپ فِیس نہیں ہے، لیکن جب آپ کوئی پلان کھولیں گے تو ممکن ہے آپ دوسری فیسیں ادا کریں۔ ان فیسوں میں سالانہ ایڈمنسٹریٹو یا ٹرسٹی کی فِیس، سرمایہ کاری کی فِیسیں اور آپ کے آر آر آئی ایف میں تبدیلیاں کرنےکی فِیسیں شامل ہو سکتی ہیں۔

آر آر ایس پیز (RRSPs)

---

رجسٹرڈ ریٹائرمینٹ سیونگز پلان ( آر آر ایس پی) ایک ایسا اکاؤنٹ ہے جو وفاقی حکومت کے ساتھ رجسٹرڈ ہے، اور اس کا مقصد ریٹائرمینٹ کیلئے رقم بچانے میں آپ کی مددکرنا ہے۔ آر آر ایس پی کنٹری بیوشن ٹیکس کیلئے مؤخرکر دی جاتی ہیں۔ اس کا مطلب ہےکہ آپ کنٹری بیوشن کیلئے استعمال ہونے والی اپنی آمدنی پر ٹیکس ادا نہیں کرتے، لیکن آپ اپنی رقمیں واپس نکلوانے پر ٹیکس ادا کرتے ہیں۔

آر آر ایس پی کھولنے سے پہلے، آپ نے لازمی طور پرکینیڈا میں کام کیا ہوگا اور ٹیکس ریٹرن فائل کیا ہوگا۔ آپ آر آر ایس پی میں جو رقم دے سکتے ہیں وہ آپ کی کمائی ہوئی آمدنی کی بنیاد پر ہے، مخصوص حدود تک۔

آر آر ایس پی کھولنےکی 5 وجوہات

1. کنٹری بیوشنز ٹیکس میں کٹوتی کے قابل ہیں۔ آپ اپنے ٹیکس ریٹرن پرکٹوتی کے طور پر اپنی آر آر ایس پی کنٹری بیوشن کلیم کرتے ہیں۔ مثال کے طور پر، اگر آپ اونٹاریو میں سب سے اوپر والی ٹیکس بریکٹ میں ہیں، تو ہر 1,000 ڈالر جو آپ کنٹری بیوٹ کرتے ہیں، اس ٹیکس کو جو آپ اداکرتے ہیں تقریباً 535 ڈالرکم کر دیتا ہے۔

2. بچتیں ٹیکس سے پاک بڑھتی ہیں۔ آپ سرمایہ کاری کی آمدنی پرکوئی ٹیکس ادا نہیں کریں گے جب تک کہ وہ آپ کے آر آر ایس پی میں رہتی ہیں۔ یہ ٹیکس فری کمپاؤنڈنگ آپ کی بچتوں کو تیزی سے بڑھنے دیتی ہے۔

3. جب آپ ریٹائر ہوتے ہیں تو آپ اپنی آر آر ایس پی کو معمول کی ادائیگیاں حاصل کرنےکیلئے تبدیل کر سکتے ہیں۔ جب آپ ریٹائر ہوتے ہیں تو آپ اپنی آر آر ایس پی سیونگز ٹیکس سے پاک آر آر آئی ایف یا سالانہ معاش (annuity) میں منتقل کر سکتے ہیں۔ آپ ہر سال وصول ہونے والی معمول کی ادائیگیوں پر ٹیکس ادا کریں گے  —  لیکن اگر آپ ریٹائرمینٹ میں کم ٹیکس بریکٹ میں ہیں، تو آپ کم ٹیکس ادا کریں گے۔ تغیر (conversion)کی مطلوبہ تاریخ وہ تاریخ ہے جب آپ 71 سال کے ہوتے ہیں۔

4. میاں بیوی کا آر آر ایس پی آپ کے مشترکہ ٹیکس کے بوجھ کو کم کر سکتا ہے۔ اگر آپ اپنے شریک حیات سے زیادہ رقم کماتے ہیں، تو آپ میاں بیوی کے آر آر ایس پی میں حصہ ڈال کر ان کی ٹیکس سے پاک بچتوں میں مدد کر سکتے ہیں۔ اس کے بعد ریٹائرمینٹ کی آمدنی آپ 2 کے درمیان برابر تقسیم ہو جائےگی  —  جو آپ کے ادا کردہ ٹیکس کی کل رقم کو کم کر سکتا ہے۔

5. آپ اپنا پہلا گھر خریدنے یا اپنی تعلیم کی ادائیگی کیلئے اپنے آر آر ایس پی سے قرض لے سکتے ہیں۔ آپ اپنے پہلےگھرکی ڈاؤن پیمینٹ کے لئے 35,000 ڈالر تک لے سکتے ہیں یا اپنے یا اپنے شریک حیات کے تعلیمی اخراجات ادا کرنے کے لئے 20,000 ڈالر تک لے سکتے ہیں۔ آپ یہ رقمیں نکلوانے پرکوئی ٹیکس ادا نہیں کریں گے جب تک کہ آپ رقم کو مخصوص مدت کے اندر واپس کر دیں۔

ٹی ایف ایس اے (TFSA) اور آر آر ایس پی (RRSP)کا موازنہ کرنا

ٹی ایف ایس ایز (TFSAs) اور آر آر ایس پیز (RRSPs) دونوں ٹیکس کے فوائد پیش کرتے ہیں تاکہ آپ کو اپنی بچت کے اہداف تک پہنچنے میں مدد ملے۔ ان دونوں کو ریٹائرمینٹ کے لئے بچت کی خاطر استعمال کیا جا سکتا ہے۔ لیکن اگر آپ کو دونوں میں سےکسی ایک کا انتخاب کرنا ہے، تو اس بات کو یقینی بنائیں کہ آپ سمجھتے ہیں کہ وہ کس طرح مختلف ہیں۔ اور پھر اپنی ذاتی مالی اور ٹیکس کی صورتِ حال کی بنیاد پر اپنا انتخاب کریں۔

ٹی ایف ایس ایز (TFSAs)

---

ٹیکس فری سیونگ اکاؤنٹ (ٹی ایف ایس اے) وفاقی حکومت کے ساتھ رجسٹرڈ ایک سیونگز اکاؤنٹ ہے جو آپ کو کسی بھی مقصد کے لئے جو آپ چاہتے ہیں ٹیکس فری بچت کرنےکی اجازت دیتا ہے۔

ٹی ایف ایس ایز (TFSAs) کے بارے میں جاننےکی 8 چیزیں

1. اگر آپ کی عمر 18 سال اور اس سے زائد ہے اور آپ کے پاس کارآمد سوشل انشورنس نمبر ہے تو آپ ٹی ایف ایس اے کھول سکتے ہیں۔

2. آپ کسی بھی وقت رقم ڈال سکتے ہیں، مقررہ حدود تک۔

3. آپ کسی بھی مقصد کیلئے جو آپ چاہتے ہیں ٹیکس فری  بچا سکتے ہیں (کار، گھر، چُھٹی)۔

4. آپ کوکنٹری بیوٹ کرنےکیلئےکمائی ہوئی آمدنی کی ضرورت نہیں ہے۔

5. آپ جب چاہیں، کسی بھی وجہ سے، بغیر ٹیکس ادا کئے رقم نکال سکتے ہیں۔

6. اگر آپ رقم نکالتے ہیں، تو آپ اگلے سال اس میں دوبارہ کنٹری بیوٹ کر سکتے ہیں، سالانہ زیادہ سے زیادہ کے علاوہ۔

7. آپ ٹی ایف ایس اے میں سرمایہ کاریوں کی ایک وسیع رینج رکھ سکتے ہیں، جیسےکہ نقدی، جی آئی، سیز (GICs)، بانڈز، اسٹاکس اور میوچل فنڈز۔

8. آپ اپنے شریک حیات یا کامن لاء پارٹنر کے اکاؤنٹ میں رقم ڈال سکتے ہیں۔

ایف ایچ ایس ایز (FHSAs)

---

فرسٹ ہوم سیونگز اکاؤنٹ ان کینیڈین کیلئے رجسٹرڈ سیونگز پلان کی ایک قِسم ہے جو اپنا پہلا گھر خریدنےکیلئے بچت کرتے ہیں۔

ایف ایچ ایس ایز (FHSAs)کے بارے میں جاننےکی 5 چیزیں

1. اگر آپ 18 سال یا اس سے زائد عمر کےکینیڈین رہائشی ہیں تو آپ ایف ایچ ایس اے (FHSA) کھول سکتے ہیں۔

2. آپ ایف ایچ ایس اے (FHSA) میں 40,000 ڈالر تک بچا سکتے ہیں۔ آپ 8,000 ڈالر فی سال تک حصہ ڈال سکتے ہیں۔

3. آپ کی کنٹری بیوشنز ٹیکس میں کٹوتی کے قابل ہیں۔

4. ایف ایچ ایس اے (FHSA)کھولنے کے بعد، آپ اسے 15 سال تک استعمال کر سکتے ہیں۔ اس وقت کے بعد، اسے بندکرنا ضروری ہے۔

5. اگر آپ گھر نہیں خریدتے، تو آپ کے ایف ایچ ایس اے (FHSA) میں کوئی بھی غیر استعمال شدہ بچت آر آر ایس پی (RRSP) میں منتقل کی جا سکتی ہے۔ اسے قابل ٹیکس آمدنی کے طور پر بھی نکالا جا سکتا ہے۔

مزید جانیں