ہم اونٹار یو سیکیورٹیز کمیشن ہیں (او ایس سی)

اونٹار یو سیکیورٹیز کمیشن (او ایس سی) اونٹار یو میں سرمایہ کی مارکیٹوں کو منظم کرنےکا ذمہ دار ہے۔

او ایس سی سیکیورٹیز ایکٹ (اونٹار یو) اورکموڈٹی فیوچرز ایکٹ (اونٹار یو) کی دفعات کی تعمیل اور ان کا اطلاق کرتا ہے۔ خاص طور پر، ہم اونٹار یو میں سیکیورٹیز انڈسٹری پر قابو پانے والے قوانین کی تعمیل اور نگرانی کرکے سرمایہ کاروں کی حفاظت کیلئےکام کرتے ہیں، منصفانہ اور مؤثر منڈیوں کو فروغ دینے اور مالیاتی نظام کے استحکام میں شراکت کرتے ہیں۔

انو یسٹر آفس (www.InvestorOffice.ca) او ایس سی کے باقاعدہ آپریشنز کی ایک شاخ ہے۔ انو یسٹر آفس حکمت عملی کی سمت طےکرتا ہے اور سرمایہ کاروں کی مشغولیت، علم، آؤٹ ر یچ اور تحقیق میں او ایس سی کی کاوشوں کی ر ہنمائی کرتا ہے۔

آفس کے پاس پالیسی کا کام بھی ہے، محتسب برائے بینکاری خدمات اور سرمایہ کاری (او بی ایس آئی) کی نگرانی میں کلیدی کردار ادا کرتا ہے، اور او ایس سی میں طرز عمل کی بصیرت اور سرمایہ کار کے تجر بےکو بہتر بنانے میں قائدانہ صلاحیت فراہم کرتا ہے۔

انکوائر یز اور رابطہ مرکز

اگر آپ کو کسی کمپنی، سرمایہ کاری کی مصنوعات، یا اپنے مالیاتی نمائندے کے طرز عمل کے بارے میں کوئی سوال یا شکایت ہو تو آپ اونٹار یو سیکیورٹیز کمیشن کے انکوائر یز اور رابطہ سینٹر سے رجوع کرسکتے ہیں۔

ٹیم 200 سے زائد ز بانوں میں آپ کے سوالوں کے جوابات دے سکتی ہے۔

انکوائر یز اور رابطہ سینٹر آپ کے سوالات کے جوابات دے گا اور آپ کی شکایت یا انکوائری اونٹار یو سیکیورٹیز کمیشن کی کسی اور شاخ کو بھیج سکتا ہے۔

ایک چَیک مارک کے ساتھ دُوربین

سرمایہ کاری سے پہلے جانچ پڑتال کر یں

سرمایہ کاری کی دھوکہ دہی سے بچنے میں مددکا ایک بہتر ین طر یقہ یہ ہےکہ اس بات کی تصدیق کر لی جائے کہ کوئی بھی شخص جو آپ کو سرمایہ کاری کرنےکی پیش کش کرتا ہے یا سرمایہ کاری کرنےکا مشورہ دیتا ہے تو وہ ایسا کرنے کے لئے رجسٹرڈ ہے۔

عام طور پر، جو بھی سیکیورٹیز بیچتا ہے یا سرمایہ کاری کے مشورے پیش کرتا ہے اس کو ان صو بوں اور علاقوں میں سیکیورٹیز ر یگولیٹر کے ساتھ لازمی طور پر رجسٹرڈ کرنا ہوتا ہے جہاں وہ اپنی خدمات کی پیش کش کرتے ہیں۔

ر جسٹریشن سرمایہ کاروں کو تحفظ فراہم کرنے میں مدد دیتی ہےکیونکہ ریگولیٹرز، جیسےکہ انٹار یو سیکیورٹیز کمیشن ہے، صرف ان لوگوں یا کمپنیوں کو ر جسٹرکر یں گے جو سرمایہ کاری فروخت کرنے یا عوام کو مشورے پیش کرنےکے اہل ہوں گے۔

اگر آپ کو یہ پتہ چلےکہ آپ جس شخص یا کمپنی سے معاملہ کر رہے ہیں وہ رجسٹرڈ نہیں ہے، یا وہ آپ کو ایسی کوئی پیش کش کر رہے ہیں جس کی انہیں اجازت نہیں ہے، تو اپنے مقامی سیکیورٹیز ر یگولیٹر سے رابطہ کریں۔ اونٹار یو میں، آپ اونٹار یو سیکیورٹیز کمیشن سے رابطہ کرسکتے ہیں۔

رجسٹرڈ ہونےکیلئےکیا درکار ہے؟

قابلیت

افرادکو رجسٹرڈ ہونےکیلئےلازمی طور پرمخصوص تعلیم اور تجربےکی ضرور یات کو پورا کرنا ہوگا۔ ان ضرور یات کا انحصار اس بات پر ہوتا ہےکہ کوئی شخص کس درجے کے اندراج کے لئے درخواست دے رہا ہے۔ ہردرجےکی مختلف ضرور یات ہیں اور وہ مختلف سرگرمیوں کی اجازت دیتا ہے۔

دیانتداری

فرموں اور افرادکا طرز عمل لازمی طور پر دیانتدارانہ ہونا چاہیئے، جس میں دیانتداری اور نیک نیتی شامل ہیں، خاص طور پر مؤکلوں کے ساتھ معاملات میں۔ افراد اپنے پس منظر اور پولیس کی جانچ پڑتال کے تابع ہیں اور فرموں اور تمام رجسٹرڈ افرادکو ہر سال اپنی ر جسٹر یشن کی تجدید کروانےکی ضرورت ہے۔

مقدرت (Solvency)

فرموں کو لازمی طور پر روزانہ کی بنیاد پر اپنی ذمہ دار یوں کو نبھانے کے لئے درکار سرمائے اور انشورنس کی ضرور یات کو پورا کرتے ہوئے مقدرت کو برقرار رکھنا چاہیئے۔ رجسٹر یشن اس بات کی ضمانت نہیں دیتی کہ آپ پیسہ کمائیں گے یا یہ کہ آپ کو پیسےکا نقصان نہیں ہوگا۔

رجسٹر یشن چیک کرنا فوری اور آسان کام ہے۔ رجسٹر یشن کی حیثیت کو جانچنے اور سرمایہ کاری کی صنعت میں کسی بھی شخص یا کاروبار کے نظم و ضبط کی تار یخ کا جائزہ لینے کے لئے قومی رجسٹر یشن سرچ ٹول کا استعمال کر یں۔

کسی کاروبار یا کسی فرد کی رجسٹر یشن ابھی چیک کر یں

رجسٹر یشن اس بات کی ضمانت نہیں دیتی کہ آپ پیسہ کمائیں گے یا یہ کہ آپ کو پیسےکا نقصان نہیں ہوگا۔

کینیڈا میں اپنے مستقبل کے لئے سرمایہ کاری کرنا

آپ کو اپنے مستقبل کی ضرور یات کے لئے رقم بچانے میں مددکیلئے سرمایہ کاری کے بہت سے انتخابات دستیاب ہیں، جیسےکہ گھر خر یدنا، اپنے بچوں کی تعلیم کے لئے بچت کرنا یا اپنی ر یٹائرمینٹ کے لئے بچت کرنا۔

سرمایہ کاری عام طور پر تین بنیادی اثاثوں کی کلاسز میں فٹ بیٹھتی ہے

نقد

کیش انو یسٹمینٹ میں بچت کے اکاؤنٹس، فکسڈ ٹرم ڈیپازٹس جیسےکہ گار ینٹیڈ انو یسٹمنٹ سرٹیفکیٹ (جی آئی سیز)،کرنسی، منی مارکیٹ فنڈز اور ایک سال سےکم عرصے میں پختگی (maturing) حاصل کرنے والےحکومتی اورکار پور یٹ بانڈز شامل ہیں۔

مقررہ آمدنی

فکسڈ انکم انو یسٹمینٹس میں ایک سال سے ز یادہ میں پختہ ہونے والے حکومتی اورکار پوریٹ بانڈز، ترجیحی حصص اور قرض کے دیگر آلات شامل ہیں۔

عام حصص

ایکویٹی انویسٹمینٹس میں عام اسٹاکس، کچھ مشتقات (حقوق، وارنٹس، اختیارات)، بدل پذیر بانڈز اوربدل پذیر ترجیحی حصص شامل ہیں۔

آپ اپنی سرمایہ کاری کسی رجسٹرڈ یا غیر رجسٹرڈ اکاؤنٹ میں رکھ سکتے ہیں۔ ہر قسم کا اکاؤنٹ اپنی خصوصیات، اہلیت کی ضرور یات اور پابندیوں کے ساتھ ہوتا ہے۔ یہ تحقیق کرنا ضروری ہےکہ کون سا اکاؤنٹ (یا اکاؤنٹس) آپ اور آپ کےکنبےکیلئے بہترین ہے۔

کینیڈا میں دستیاب انو یسٹمینٹ اکاؤنٹس کی اقسام اورانو یسٹمینٹ کے آپشنز کے بارے میں مز ید معلومات کیلئے، مندرجہ ذیل و یب سائٹ ملاحظہ فرمائیں GetSmarterAboutMoney.ca

تِیروں کے ساتھ کلاک

منصو بہ بندی اور نظم و نسق

جب آپ مالی منصوبہ شروع کر رہے ہوں تو پیسہ بچانا، بجٹ بنانا اور قرض کا نظم ونسق کرنا اہم کام ہیں۔

بچت اور چیکنگ اکاؤنٹس عام طور پر ایسے ہوتے ہیں جن میں لوگ وہ رقم جمع کرواتے ہیں جسے وہ جلد خر چ کرنےکا ارادہ رکھتے ہیں۔ تقر یباً کوئی بھی فرد اکاؤنٹ کھول سکتا ہے۔ آپ کے پاس نوکری ہونے یا کم سےکم رقم ہونےکی ضرورت نہیں ہے۔

اگر آپ کی عمر 18 سال سےکم ہے، تو آپ والدین یا سر پرست کی مدد سے اکاؤنٹ کھول سکتے ہیں۔ اکاؤنٹ کھولنےکیلئے آپ کے پاس 2 عدد قابل قبول شناختوں کی ضرورت ہوگی۔

اکاؤنٹس کی اقسام

چَیک

چیکنگ اکاؤنٹ

ایک ایسا اکاؤنٹ جسے روزمرہ کے خرچ اخراجات یا بلوں کی ادائیگی کے لئے استعمال کیا جا سکتا ہے۔

سِکّے جمع کرنے والا گلّہ

سیونگز اکاؤنٹ

سیونگز اکاؤنٹس قلیل مدتی مقاصد پورے کرنے یا ہنگامی حالات کیلئے نقد رقم رکھنےکیلئے ایک اچھی جگہ ہیں۔

آپ ان اکاؤنٹس میں سے فوری طور پر پیسے نکال سکتے ہیں، اور وہ عام طور پر اس سے نسبتاً تھوڑا سا ز یادہ سود دیتے ہیں جتنا آپ کو ایک چیکنگ اکاؤنٹ میں ملتا ہے۔

بینک کی عمارت

سرمایہ کاری اکاؤنٹ

آپ کی رقم بچانے اور بڑھانے میں آپ کی مددکیلئے – وہ اکاؤنٹ جسے سرمایہ کاری کے مقاصد کے لئے استعمال کیا جاتا ہے۔

ز یادہ تر مالیاتی ادارے مختلف اقسام کے اکاؤنٹ پیش کرتے ہیں۔

تجوری

بینک اور ٹرسٹ کمپنیاں

نوٹ ایک سلاٹ سے نکل رہا ہے

کر یڈٹ یونیئنیں

ادارےکی عمارت

سرمایہ کاری کی فرمیں

exclamation mark

مالیاتی ادارہ کے دیوالیہ ہوجانےکی صورت میں،کینیڈا ڈیپازٹ انشورنس کار پوریشن (سی ڈی آئی سی) یا صوبائی ڈیپازٹ انشورنس کار پوریشن کے توسط سے آپ کے چیکنگ اور سیونگز اکاؤنٹس میں جمع شدہ ڈیپازٹس کے نقصان کے لئے مقررہ حدود تک تحفظ کیا جاتا ہے۔ اگر آپ کا مالیاتی ادارہ انو یسٹمینٹ انڈسٹری ر یگولیٹری آرگنائز یشن آف کینیڈا ( آئی آئی آر او سی)کا ممبر ہے تو آپ کے سرمایہ کاری کے اکاؤنٹ کے لئےکینیڈین انو یسٹر پروٹیکشن فنڈ (سی آئی پی ایف) کے ذر یعے بھی عام طور پر اسی طرح کی کور یج موجود ہے۔ تاہم، یہ ڈیپازٹس ذاتی،کاروبار یا سرمایہ کاری کے نقصان کیلئے محفوظ نہیں ہوتے۔

ایک شناختی فہرست کے سامنے سِکّے جمع کرنے والا گلہ

بچت کے منصوبے

اپنے مستقبل کے اہداف کیلئے بچت یا سرمایہ کاری کرنے میں آپ کی مددکے لئے، حکومت کینیڈا نے بچت اور سرمایہ کاری کے متعدد منصوبے بنائے ہیں جن میں ٹیکس کے فوائد ہیں۔

آر آر ایس پیز (RRSPs)

ر جسٹرڈ ر یٹائرمینٹ سیونگز پلان ( آر آر ایس پی) کا مقصد ر یٹائرمینٹ کے لئے رقم بچانے میں آپ کی مدد کرنا ہے۔ آر آر ایس پی میں حصہ ڈالنا (contributions) یہ ٹیکس سے پہلے والے ڈالروں سےڈالا جاتا ہے جس کا مطلب یہ ہےکہ آپ حصہ ڈالنےکے لئے استعمال ہونے والی آمدنی پر ٹیکس ادا نہیں کرتے، لیکن آپ اپنی نکلوائی جانے والی رقموں پر ٹیکس دیتے ہیں۔ وہ رقم جو آپ آر آر ایس پی میں حصہ ڈالنےکیلئے ادا کرسکتے ہیں اس کی بنیاد آپ کی کمائی جانے والی آمدنی پر ہوتی ہے، جو مخصوص حدود تک ہوتی ہے۔

آر آر ایس پی کھولنے کے لئے 5 وجو ہات

شرح فی صدکے نشان کے ساتھ منفی کا نشان

حصہ دار یاں (Contributions) ٹیکس میں سےکٹوتی (tax deductible)کے قابل ہیں

آپ اپنی آر آر ایس پی کی حصہ داری کو اپنے ٹیکس کی واپسی میں کٹوتی کے طور پر کلیم کرتے ہیں۔ مثال کے طور پر، اگر آپ اونٹار یو میں سرفہرست ٹیکس کی بر یکٹ میں ہیں، تو ہر 1,000 ڈالر جو آپ حصہ داری میں ادا کرتے ہیں وہ آپ کے اداکئے جانے والے ٹیکس میں تقر یباً 535 ڈالر تک کمی کرتا ہے

پودا بڑھ رہا ہے

ٹیکس سے پاک بچتیں بڑھتی ہیں

جب تک وہ آپ کی آر آر ایس پی میں رہےگی آپ انویسٹمینٹ کی کمائی پرکوئی ٹیکس ادا نہیں کر یں گے۔ یہ ٹیکس سے پاک کمپاؤنڈنگ آپ کی بچتوں کو تیزی سے بڑھنے دیتی ہے۔

کیلنڈر

جب آپ ر یٹائر ہوجاتے ہیں تو آپ اپنی آر آر ایس پی کو معمول کی ادائیگی میں تبدیل کرسکتے ہیں

جب آپ ر یٹائر ہوجاتے ہیں تو آپ اپنی آر آر ایس پی بچتوں کو ٹیکس سے پاک آر آر آئی ایف یا ایک سالانہ ملنے والی رقم (annuity) میں تبدیل کر سکتے ہیں۔ آپ ہر سال معمول کی ادائیگیوں پر ٹیکس ادا کر یں گے — لیکن اگر آپ ریٹائرمینٹ میں کم ٹیکس بر یکٹ میں ہیں، تو جب آپ کام کر رہے تھے اس کے مقابلے میں آپ کو کم ٹیکس ادا کرنا ہوگا۔ مطلوبہ تغیّر (conversion) کی تار یخ آپ کے 71 سالہ ہونے والے سال میں 31 دسمبر ہے۔

شادی کی دو انگوٹھیاں

ایک ازدواجی ساتھی والی آر آر ایس پی (spousal RRSP) آپ کے مشترکہ ٹیکسوں کے بوجھ کو کم کرسکتی ہے

اگر آپ اپنے شر یک حیات سے ز یادہ رقم کماتے ہیں، تو آپ زوجین آر آر ایس پی میں حصہ ڈال کر ان کی ٹیکس فری بچتیں بڑھانے میں مدد کرسکتے ہیں۔ ر یٹائرمینٹ آمدنی پھر آپ 2 کے درمیان ز یادہ برابر تقسیم ہوجائےگی — جو آپ کے ٹیکس کی کل رقم کو کم کر سکتا ہے جو آپ اداکرتے ہیں۔

کتابوں کے انبار ساتھ گھر

آپ اپنا پہلا مکان خر یدنے یا اپنی تعلیم کی ادائیگی کیلئے اپنی آر آر ایس پی سے قرض لے سکتے ہیں

آپ اپنے پہلےگھرکی ڈاؤن پیمینٹ کیلئے 25,000 ڈالر تک یا آپ اپنی یا اپنے شر یک حیات کے تعلیمی اخراجات کے لئے 20,000 ڈالر تک لے سکتے ہیں۔ جب تک آپ مقررہ مدت کے اندر رقم کی واپس ادائیگی کرتے ہیں تب تک آپ نکلوائی گئی رقموں پرکوئی ٹیکس ادا نہیں کر یں گے۔

exclamation mark

آر آر ایس پی بچت کا کیلکولیٹر

اس آر آر ایس پی بچت کےکیلکولیٹر کو استعمال کر یں تاکہ آپ معلوم کر سکیں کہ ریٹائرمینٹ کے وقت آپ کی آر آر ایس پی کی کیا قدر وقیمت ہو سکتی ہے۔

کیلکولیٹر استعمال کر یں۔

آر ای ایس پیز (RESPs)

ر جسٹرڈ ایجوکیشن سیونگز پلان ( آر ای ایس پی) ڈیڈیکیٹڈ بچت کا ایک منصوبہ ہے جو آپ کو اپنے بچےکی ہائی اسکول کے بعدکی تعلیم کیلئے بچت کرنے میں مدد دیتا ہے۔ اگر آپ کے پاس کسی بچے کے لئے آر ای ایس پی ہے، تو حکومت کینیڈا اپنے بچےکی تعلیم کیلئے بچت کرنے میں آپ کی مددکیلئے ایک مخصوص حد تک تعلیمی گرانٹس کی پیش کش سے اضافی بچت کی ترغیبات فراہم کرے گی۔ جو رقم آپ وصول کرتے ہیں اس کا انحصار آپ کی سالانہ حصہ داریوں (contributions) اورگھرانےکی آمدنی پر ہے۔

آر ای ایس پی کی 3 اقسام کے منصوبے:

انفرادی

انفرادی منصوبےکا مقصد ایک مستفید ہونے والے فردکی تعلیم کے لئے ادائیگی کرنا ہے۔کوئی بھی شخص انفرادی منصو بہ کھول سکتا ہے، اورکوئی بھی اس میں حصہ ڈال سکتا ہے۔ یہاں تک کہ بذات خود آپ اپنے لئےکوئی منصوبہ کھول سکتے ہیں۔ آپ کو عام طور پرکم سےکم رقم جمع کروانےکی ضرورت نہیں ہوتی۔ اگر فائدہ اٹھانے والا ہائی اسکول کے بعد اپنی تعلیم جاری نہیں رکھتا، تو آپ اس سے فائدہ اٹھانےکیلئےکسی اورکا نام دینےکے قابل ہو سکتے ہیں۔


حصہ ڈالنا (Contributions):

آپ فیصلہ کرتے ہیں کہ کب اورکتنا پیسہ لگانا ہے، اس سے فائدہ اٹھانے والےکی زندگی بھرکے لئے شراکت کی حد 50,000 ڈالر ہوسکتی ہے۔

کنبہ

خاندانی منصو بہ میں ایک سے ز یادہ مستفید یعنی فائدہ اٹھانے والے ہوسکتے ہیں۔ لیکن ہر ایک مستفید شخص کا تعلق اس شخص سے ہونا چاہیئے جو منصو بہ کھولتا ہے (مثال کے طور پر، آپ کے بچے، پوتے پوتیاں نواسے نواسیاں، بھائی اور بہنیں)، اور جب آپ ان کا نام دیتے ہیں تو وہ 21 سال سےکم عمر ہوں۔


حصہ ڈالنا (Contributions):

جب آپ منصو بہ کھولتے ہیں تو آپ کو عام طور پرکم سےکم رقم جمع نہیں کروانا پڑ تی اور آپ یہ فیصلہ کرتے ہیں کہ کب اور کتنی رقم رکھنی ہے، ہر مستفید ہونے والےکیلئے تاحیات تک کی حد 50,000 ڈالر ہے۔

گروپ

گروپ کے منصوبے انفرادی اور خاندانی منصو بوں سے مختلف طور پرکام کرتے ہیں، اور ہر منصوبےکے اپنے اصول ہوتے ہیں۔ ان میں ز یادہ فیسیں اور ز یادہ پابندی کے اصول بھی ہوتے ہیں۔ بچےکا آپ سے تعلق ہونا ضروری نہیں اور جب آپ منصو بہ کھولتے ہیں تو آپ کو کم سےکم رقم جمع کروانا ہوگی۔


حصہ ڈالنا (Contributions):

آپ آر ای ایس پی میں ایک مقررہ شیڈول کے مطابق رقم ڈالتے ہیں، مستفید ہونے والے فردکیلئے تاحیات کے لئے حصہ ڈالنےکی حد 50,000 ڈالر ہے۔


رقم جو آپ نے رکھی ہے وہ دوسرے سرمایہ کاروں کی شراکت کے ساتھ مل کر رکھی جاتی ہے۔


سرمایہ کاری کے تمام فیصلے آپ کے لئےکئے جاتے ہیں۔

exclamation mark

کیا پہلے آپ جانتے تھے؟

اسکالرشپ پلان ڈیلرز کے ذر یعے فراہم کردہ منصوبوں کو بغیرکسی جرمانہ منسوخ کرنےکیلئے اپنے معاہدے پر دستخط کرنےکے بعد آپ کے پاس 60 دن ہوتے ہیں۔

ٹی ایف ایس ایز (TFSAs)

ٹیکس فری سیونگز اکاؤنٹ (ٹی ایف ایس اے) بچت کیلئے ایک اکاؤنٹ ہے جو آپ کےکسی بھی مطلو بہ مقصدکیلئےکی گئی ٹیکس سے پاک بچت کو بڑھاتا ہے۔

ٹی ایف ایس اے کھولنےکی 4 وجوہات

ہاتھ جس نے نقدی تھامی ہوئی ہے

آپ پہلے ہی ہر سال اپنی آر آر ایس پی میں پوری رقم سے اپنا حصہ ادا کر رہے ہیں۔

جب آپ ر یٹائر ہوجاتے ہیں تو، آپ اپنے ٹی ایف ایس اے ٹیکس فری سے آمدنی نکال سکتے ہیں۔ اس سے آپ اپنی آر آر ایس پی سے نقد رقم لینے میں توقف کر سکتے ہیں – اور اس نکالے جانے والی رقموں پر ٹیکس ادا کرنے سے اجتناب کر سکتے ہیں۔

ہاتھ جس نے نقدی کا تھیلا  تھاما ہوا ہے

جب آپ ٹی ایف ایس اے سے رقم نکالتے ہیں تو آپ کو انکم ٹیکس کی شرح ز یادہ ہونےکی توقع ہوتی ہے۔

آپ نے جو رقم ٹی ایف ایس اے میں ڈالی ہے اس پر پہلے ہی ٹیکس لگا دیا گیا ہے۔ لہٰذا، جب آپ رقم نکالتے ہیں تو اگر آپ کے معمولی ٹیکس کی شرح ز یادہ ہے، آپ نے ٹیکس میں کم ادائیگی کی ہوگی۔ اس کے برعکس آر آر ایس پی میں بچت کے لئے یہ صحیح ہوگا۔ جب آپ اپنی آر آر ایس پی کی سیونگز واپس لیتے ہیں تو وقت کے ساتھ ساتھ ٹیکس کی اونچی شرح آپ کے ٹیکس بل میں اضافہ کرے گی۔

گھڑی اور سکہ، گھوم رہے ہیں

آپ کو لچکدار بچت (flexible savings)کے منصو بےکی ضرورت ہے۔

آپ اپنے ٹی ایف ایس اے میں کسی بھی غیر استعمال شدہ کنٹری بیوشن روم کو آئندہ برسوں تک آگے لے جا سکتے ہیں۔ اور، اگر آپ اپنی ٹی ایف ایس اے کی بچت واپس لے لیتے ہیں، تو آپ اپنی واپسی کی پوری رقم بعدکی تار یخ پر واپس ڈال سکتے ہیں اور پھر بھی ہر سال ز یادہ سے ز یادہ بچت کرسکتے ہیں۔

الرکے نوٹوں کی گڈی

آپ اپنی سرمایہ کار یوں پر ٹیکس کم کرنا چاہتے ہیں۔

آپ اپنی سرمایہ کاری کو بچانےکیلئے ٹی ایف ایس اےکو استعمال کر سکتے ہیں جن پر دوسری صورت میں اونچے درجےکی شرح سے ٹیکس لیا جائےگا۔ اس کی وجہ یہ ہےکہ آپ اپنی ٹی ایف ایس اے کی آمدنی پر ٹیکس ادا نہیں کرتے ہیں۔ مثالیں: سودکی آمدنی یا غیر ملکی منافع۔

ممکن ہےکہ آپ اس بارے میں کچھ پیشہ ورانہ مشورے حاصل کرنا چاہتے ہوں کہ آپ اپنی ٹیکس کی منصوبہ بندی کے ایک مؤثر حصےکے طور پر ٹی ایف ایس اے کو کس طرح استعمال کرسکتے ہیں۔

ٹی ایف ایس اے اور آر آر ایس پی کا موازنہ کرنا

ٹی ایف ایس ایز (TFSAs) اور آر آر ایس پیز (RRSPs) دونوں آپ کو اپنے بچت کے اہداف کی تکمیل میں مددکیلئے ٹیکس کے فوائد کی پیش کش کرتے ہیں۔ اگر آپ متحمل ہوسکتے ہیں، تو ایک اچھی حکمت عملی یہ ہےکہ آپ جتنا ز یادہ ڈال سکتے ہیں دونوں میں اتنا ز یادہ حصہ ڈالیں۔

لیکن اگر آپ کو دونوں میں سےکسی ایک کا انتخاب کرنا ہے، تو اس بات کو یقینی بنائیں کہ آپ سمجھتے ہیں کہ ان دونوں میں کیسے فرق ہے۔ اور پھر اپنی انفرادی مالی اور ٹیکس کی صورتحال کی بنیاد پر اپنا انتخاب کریں۔

ٹی ایف ایس ایز اور آر آر ایس پیز کے درمیان 6 سرفہرست اختلافات

1

ایک آر آر ایس پی کا مقصد ر یٹائرمینٹ کیلئے بچت ہے۔ ایک ٹی ایف ایس اے کا مقصد کسی بھی قسم کی بچت ہے۔

2

آر آر ایس پی میں ڈالے ہوئے حصے ٹیکس میں سےکٹوتی کے قابل ہیں۔ جب کہ ٹی ایف ایس اے نہیں ہیں۔ ایک آر آر ایس پی میں، آپ اپنے ٹیکس کی واپسی پر جس آمدنی کی اطلاع دیتے ہیں اس میں سے اپنا حصہ کاٹ لیتے ہیں۔ ٹی ایف ایس اے میں، آپ اپنے ٹیکس کی واپسی پر اپنےاداکئےگئے حصےکی کٹوتی نہیں کر سکتے۔

3

آپ اپنی آر آر ایس پی واپس لینے پر ٹیکس ادا کرتے ہیں کیونکہ آپ نے ٹیکس سے پہلے والے ڈالروں کے ذر یعہ حصہ ڈالا تھا۔ ٹی ایف ایس اے سے نکالے جانے والی رقمیں ٹیکس سے پاک ہیں کیونکہ آپ نے ٹیکس کے بعد کے ڈالروں کے ذر یعہ حصہ ڈالا تھا۔

4

آپ کو ایک آر آر ایس پی میں حصہ ڈالنےکے لئے کمائی ہوئی آمدنی کی ضرورت ہے لیکن ایک ٹی ایف ایس اے میں نہیں ہے۔

5

جس سال آپ کی عمر 71 سال ہوجائےگی، آپ اپنی آر آر ایس پی میں مز ید حصہ ادا نہیں کرسکتے اور آپ کو اسے لازمی طور پر بند کرنا ہوگا۔ اس وقت، آپ کو یا تو آر آر آئی ایف (RRIF) یا ایک سالیانہ (annuity) خر یدنےکیلئے اپنی بچت کو استعمال کرنا پڑےگا۔ ٹی ایف ایس اے میں، آپ کو ایک مخصوص عمر میں اسے بندکرنے یا اس میں حصہ ڈالنےکی ضرورت نہیں ہے۔

6

دونوں منصو بوں میں، آپ اپنے شریک حیات کو مستفید ہونے والےکے طور پر نامزدکر سکتے ہیں۔ آپ کی موت کے بعد یہ رقم ان کو مل جائےگی۔ لیکن آر آر ایس پی میں، آپ کے شر یک حیات کی وفات کے بعد، اکاؤنٹ میں کسی بچ جانے والی رقم پر ٹیکس واجب الادا ہوں گے۔ اس طرح، اگر آپ کے بچے رقم کے وارث ہیں، تو وہ ٹیکس کی ادائیگی کے بعد بچی ہوئی رقم وصول کر یں گے۔ ٹی ایف ایس اے میں، ٹیکس صرف موت کی تار یخ سے ٹی ایف ایس اےکی قدر میں ہونے والے اضافہ پر لیا جاتا ہے اس سال میں جس میں بچے اسے وصول کرتے ہیں۔ اگر رقم جو وہ وصول کرتے ہیں اس قدر وقیمت سے بڑی نہیں ہے جو قدروقیمت ٹی ایف ایس اے کی موت کے وقت تھی، توکوئی ٹیکس ادا نہیں کیا جاتا۔

آر آر آئی ایفس (RRIFs)

رجسٹرڈ ر یٹائرمینٹ انکم فنڈ ( آر آر آئی ایف) ایک منصوبہ ہے جو آپ کی ر یٹائرمینٹ کی بچت رکھتا ہے اور آپ کے ر یٹائر ہونے کے بعد آمدنی فراہم کرتا ہے۔ یہ مخالف میں آر آر ایس پی کی طرح کام کرتا ہےکیونکہ آپ بچت کی بجائے رقم نکالتے ہیں۔

اس بارے میں اصول موجود ہیں کہ آپ ہر سال کتنی رقم واپس لے سکتے ہیں۔

آپ کسی ر یٹائرمینٹ اکاؤنٹ جیسےکہ آر آر ایس پی سے بچت کو منتقل کرکے آر آر آئی ایف کھول سکتے ہیں۔

exclamation mark

آر آر آئی ایف کی فِیسیں

ز یادہ تر آر آر آئی ایفس کیلئے کوئی سیٹ اپ فیسیں نہیں ہیں، لیکن منصو بہ کھولنے کے بعد آپ دیگر فیسیں ادا کرسکتے ہیں۔ ان فیسوں میں سالانہ انتظامی یا ٹرسٹی کی فیس، سرمایہ کاری کی فیسیں اور آپ کے آر آر آئی ایف میں تبدیلیاں کرنےکی فیسیں شامل ہوسکتی ہیں۔

آر آر آئی ایفس کے بارے میں جاننےکی 6 چیز یں

1

جب آر آر آئی ایف مرتب ہوجائے، تو آپ اس پلان میں مز ید حصے نہیں ڈال سکتے۔ تاہم ، آپ ایک سے ز یادہ آر آر آئی ایف رکھ سکتے ہیں۔

2

آپ اپنی آر آر ایس پی سے رقم منتقل کرکے آر آر آئی ایف کھولتے ہیں۔ دوسرے رجسٹرڈ پلانز جیسےکہ پینشن پلانز اور ڈی پی ایس پیز سے منتقلی کی اجازت مخصوص حالات کے تحت ہے۔

3

آپ آر آر آئی ایف میں رکھنےکے لئے سرمایہ کاری کی اقسام کا انتخاب کرتے ہیں۔ مثالیں: جی آئی سیز، میوچل فنڈز، ای ٹی ایفس، جدا (segregated) فنڈز ، اسٹاکس اور بانڈز۔

4

اگر آپ کے مرنے کے بعد آپ کے آر آر آئی ایف میں کوئی رقم باقی رہ جاتی ہے، تو یہ آپ کے نامزدکردہ مستفید ہونے والوں یا آپ کی املاک (estate) کو جائےگی۔

5

آپ کو ہر سال اپنے آر آر آئی ایف سےکم سےکم رقم لازمی طور پرنکلوانا ہوگی۔ جوں جوں آپ کی عمر بڑھتی جاتی ہے یہ رقم بھی بڑھتی جاتی ہے۔ ز یادہ سے ز یادہ واپس نکلوانےکی کوئی حد نہیں ہے۔

6

آپ کسی بھی وقت آر آر آئی ایف کھول سکتے ہیں، لیکن اس سال کے اختتام کے بعد نہیں جس میں آپ 71 سال کے ہو جائیں گے۔

exclamation mark

آر آر آئی ایف سے رقم نکلوانا

اپنا آر آر آئی ایف کھلوانے کے بعد اسی سال میں آپ کو اس میں سے رقم نکلوانا شروع کرنا پڑتی ہے۔ وفاقی حکومت کم سےکم رقم مقررکرتی ہے جو آپ کو ہر سال اپنے آر آر آئی ایف سے نکالنا ہوگی اور یہ آپ کے آر آر آئی ایف کی قدروقیمت کی شرح فیصدکی بنیاد پر ہوگی۔

آر ڈی ایس پیز (RDSPs)

رجسٹرڈ ڈس ایبیلیٹی سیونگز پلان بچت کا ایک منصو بہ ہے جو معذور افراد اور ان کے اہل خانہ کو مستقبل کیلئے بچت کرنےکی اجازت دیتا ہے۔ حکومت کی گرانٹس آپ کی بچتوں میں اضافہ کرتی ہیں اور آپ کی سرمایہ کاری ٹیکس سے پاک بڑھتی رہتی ہے

آر ڈی ایس پیز (RDSPs)کے بارے میں جاننےکی 8 چیز یں

1

فائدہ اٹھانے والا وہ شخص ہے جو معذوری کا شکار ہے جو مستقبل میں رقم وصول کرے گا۔

2

 پلان ہولڈر وہ شخص ہے جو آر ڈی ایس پی کھولتا ہے اور اس کا نظم و نسق رکھتا ہے۔ فائدہ اٹھانے والا پلان ہولڈر بھی ہوسکتا ہے۔

3

49 سال کی عمر تک، فائدہ اٹھانے والا کینیڈا ڈس ایبیلیٹی سیونگزگرانٹ، اورکینیڈا ڈس ایبیلیٹی سیونگز بانڈ کے تحت آر ڈی ایس پی میں حکومتی شراکت کے اہل ہوسکتے ہیں۔

4

اس پلان میں اس وقت تک حصہ ڈالا جاسکتا ہے جب تک کہ فائدہ اٹھانے والا 59 سال کا نہ ہو جائے۔

5

فائدہ اٹھانے والےکو 60 سال کی عمر سے پلان میں سے باقاعدہ ادائیگیاں لینا شروع کرنا ہوں گی۔

6

حصہ ڈالنےکی کوئی سالانہ حد نہیں ہے لیکن فائدہ اٹھانے والےکیلئے عمر بھر کے حصہ ڈالنےکی حد 200,000 ڈالر ہے۔

7

حصہ اداکرنا ٹیکس میں کٹوتی کے قابل نہیں ہے، لیکن آپ کی بچت ٹیکس سے پاک بڑھتی ہے۔ سرمایہ کاری کی کمائی پرکوئی ٹیکس نہیں ہے، جب تک وہ منصوبے میں رہیں۔

8

آر ڈی ایس پی سیونگز مختلف سرمایہ کار یوں میں لگائی جاسکتی ہے، اس کا انحصار اس بات پر ہےکہ منصوبہ کہاں کھولا گیا ہے۔

آر ڈی ایس پی میں حصہ ڈالنا اور رقمیں نکلوانا

اس سال کے اختتام تک کوئی بھی آر ڈی ایس پی میں حصہ ڈال سکتا ہے جس میں فائدہ اٹھانے والا 59 سال کا ہو جائے، یا جب 200,000 ڈالرکا حصہ ڈالنےکی حد پوری ہو چکی ہو۔

عام طور پر، اگر آپ اپنے آر ڈی ایس پی سے رقم نکلوا لیتے ہیں، تو آپ کو کچھ یا تمام گرانٹس اور بانڈز جو 10 سال سےکم عرصے سے پلان میں ہیں کی ادائیگی واپس کرنا ہوگی۔

60

معمول کی ادائیگیاں لازمی طور پر 60 سال کی عمر سے شروع ہونی چاہئیں

بار بارکی ادائیگی کے ساتھ کیلنڈر

ادائیگیاں کم از کم سالانہ کی جانی چاہئیں

سکّوں کا انبار

ادائیگیاں اس حد تک ٹیکس کے قابل ہیں جہاں تک وہ حصے ڈالنے سے تجاوز کرتی ہیں

پیسےکا چارٹ جو بڑھتا ہوا منافع دکھا رہا ہے

سرمایہ کاری کی مصنوعات

اسٹاکس (Stocks)

جب آپ کسی کمپنی میں اسٹاک (جسے حصص بھی کہتے ہیں) خر یدتے ہیں تو، آپ اس کمپنی کا ایک ٹکڑا خر ید رہے ہیں۔ اسٹاک کسی کمپنی کی جزوی ملکیت کی نمائندگی کرتا ہے۔

اسٹاکس کی دو بنیادی اقسام ہیں:

ڈالرکا نشان

عام اسٹاک

اکثر یت سے بیچے جانے والے اسٹاکس عام اسٹاکس ہوتے ہیں۔ عام اسٹاک حصص کی ممکنہ بڑھتی ہوئی قیمتوں اور منافع میں اضافےکی پیشکش کرتا ہے۔

چمکتے شراروں کے ساتھ ڈالر

ترجیحی اسٹاک

ترجیحی اسٹاک مقررہ منافع کے ذر یعے باقاعدہ آمدنی اور شیئرکی بڑھتی ہوئی قیمتوں میں امکانی اضافے کی پیش کش کرتا ہے۔ عام اسٹاک کی قیمتوں کے مقابلے میں ترجیحی اسٹاک کی قیمتیں ز یادہ مستحکم ہوتی ہیں۔

اسٹاک خر یدنے کے ساتھ وابستہ فیسیں ہیں جو مختلف ہو سکتی ہیں اس کا انحصار انو یسٹمینٹ فرم کی نوع پر ہے جس کا آپ سرمایہ کاری کیلئے انتخاب کرتے ہیں۔

یاد رکھیں سرمایہ کاری کرنے کیلئے اخراجات کے بارے میں سوالات پوچھنا ضروری ہے۔

اسٹاکس کے بارے میں مز ید معلومات حاصل کر یں۔

بانڈز

بانڈ ایک قسم کا قرض ہے جو آپ حکومت یا کسی کمپنی کو دیتے ہیں۔

جب آپ بانڈ خر یدتے ہیں، تو آپ کسی کمپنی یا حکومت (بانڈ جاری کرنے والے) کو ایک مقررہ مدت (term) کیلئے اپنے پیسے قرض دیتے ہیں۔ اگر آپ پختگی کی تار یخ تک بانڈز رکھتے ہیں تو آپ کو بھی آپ کی ساری رقم واپس مل جائےگی۔ اگر آپ پختگی کی تار یخ سے پہلے بیچ دیتے ہیں اور بانڈکی قیمتیں بڑھ جاتی ہیں، تو آپ پیسہ کمائیں گے اور اگر قیمتیں کم ہو جاتی ہیں تو آپ کو پیسوں کا نقصان ہوگا۔

ز یادہ تر بانڈز میں، بانڈ کے آپ کے پاس ہونےکے دوران آپ باقاعدہ سودکی ادائیگیاں حاصل کر یں گے۔ ز یادہ تر بانڈز میں ایک مقررہ سودکی شرح ہوتی ہے جو تبدیل نہیں ہوتی۔کچھ میں تغیر پذیر شرح ہوتی ہے جو وقت کے ساتھ ساتھ او پر یا نیچے ہوتی رہتی ہے۔ بانڈ کی پختگی کی تار یخ پر، آپ کو بانڈ پر در ج شدہ قیمت مل جائےگی۔

بانڈزکی اقسام

او پر جاتا ہوا تیر جو لائن کا قر یب سے تعاقب کر رہا ہے

ر یگولر بانڈز​

آپ یہ بانڈز ایک مقررہ رقم اور وقت کی ایک مقررہ مدت کیلئے خر یدتے ہیں۔ بانڈکو اپنے پاس رکھنےکے دوران آپ کو معمول کے سودکی ادائیگی ملتی ہے۔ پختگی کی تار یخ پر، آپ بانڈ پر در ج قیمت واپس حاصل کرتے ہیں۔

تِیر جو ڈرامائی انداز میں مخالف سمتوں میں او پر نیچے جارہا ہے

کمپلیکس بانڈز

ان بانڈز میں کچھ خصوصیات ہیں جو آپ کی سرمایہ کاری میں نفع کو بہترکرسکتی ہیں۔ ان میں اسٹرپ، انڈیکس اور اصلی نفع کے بانڈز شامل ہیں۔

میوچل فنڈز

میوچل فنڈ ایک ایسی سرمایہ کاری ہے جو بہت سارے لوگوں سے رقم جمع کرتی ہے اور اسے ملی جلی سرمایہ کاریوں میں لگاتی ہے جیسےکہ اسٹاکس اور بانڈز۔

میوچل فنڈ میں، کیونکہ آپ کے پیسےکو دوسرے سرمایہ کاروں کی رقم کے ساتھ لگایا جاتا ہے، آپ بڑی تعداد میں سرمایہ کار یوں میں سرمایہ کاری کرنےکےقابل ہوتے ہیں بصورت دیگر یہ آپ کیلئے بہت مہنگا ہوتا اور آپ کیلئے خود سے اس کا نظم ونسق چلانا مشکل ہوتا۔

میوچل فنڈکی خر یداری سے وابستہ فیسوں کی اقسام میں سیلز چارجز، دیگر لین دین کی فیسیں، اکاؤنٹ کی فیسیں اور فنڈ کے اخراجات شامل ہوسکتے ہیں۔

آپ تبدیل ہونے والے سیلز چارجز، دیگر لین دین کی فیسیں اوراکاؤنٹ فیسیں اداکر سکتے ہیں جس کا انحصار اس بات پر ہےکہ آپ کونسے فنڈز خریدتے ہیں، آپ انہیں کس طرح خر یدتے ہیں اور انہیں کن اکاؤنٹس میں رکھتے ہیں۔ آپ براہِ راست فنڈ کے اخراجات ادا نہیں کرتے ، لیکن وہ آپ پر اثرانداز ہوتے ہیں کیونکہ وہ فنڈ کے منافع کو کم کرتے ہیں۔

میوچل فنڈزکی اقسام

منی مارکیٹ فنڈز

(MONEY MARKET FUNDS)

یہ فنڈز مختصر مدتی مقررہ انکم سیکیورٹیز جیسےکہ سرکاری بانڈز، ٹریژری بلز، بینکرزکی قبولیتیں، تجارتی کاغذ اور سرٹیفیکیٹس آف ڈیپازٹ میں سرمایہ کاری کرتے ہیں۔ وہ عام طور پر ایک محفوظ سرمایہ کاری ہیں، لیکن دوسری اقسام کے میوچل فنڈز سےکم امکانی نفع والے ہوتے ہیں۔

فکسڈ انکم فنڈز

(FIXED INCOME FUNDS)

یہ فنڈز ایسی سرمایہ کار یاں خر یدتے ہیں جو مقررہ ر یٹ والے منافع کی ادائیگی کرتی ہیں جیسے حکومتی بانڈز، انو یسٹمینٹ گر یڈ کار پور یٹ بانڈز اور اعلیٰ پیداوار والےکار پوریٹ بانڈز۔

ایکوئٹی فنڈز

(EQUITY FUNDS)

یہ فنڈز اسٹاکس میں سرمایہ کاری کرتے ہیں۔ ان فنڈزکا مقصد منی مارکیٹ یا مقررہ انکم فنڈز سے ز یادہ تیزی سے بڑھنا ہے، اس طرح عام طور پر ز یادہ خطرہ ہوتا ہےکہ آپ پیسےکا نقصان کر سکتے ہیں۔

بیلینسڈ فنڈز

(BALANCED FUNDS)

یہ فنڈز ایکوئٹیز اور مقررہ انکم سیکیورٹیز کے امتزاج میں سرمایہ کاری کرتے ہیں۔ وہ رقم ضائع ہونےکے خطرے کے خلاف ز یادہ منافع کے حصول کے مقصدکو متوازن کرنےکی کوشش کرتے ہیں۔

انڈیکس فنڈز (INDEX FUNDS)

ان فنڈز کا مقصد کسی مخصوص انڈیکس کی کارکردگی جیسے S & P / TSX کمپوزٹ انڈیکس کی نگرانی کرنا ہے۔ جیسے انڈیکس اوپر یا نیچے ہوگا و یسے و یسے میوچل فنڈکی قدروقیمت
او پر یا نیچے ہوگی۔

اسپیشلٹی فنڈز (SPECIALTY FUNDS)

یہ فنڈز خصوصی مینڈیٹ جیسےکہ رئیل اسٹیٹ، اجناس یا معاشرتی طور پر ذمہ دارانہ سرمایہ کاری پر مرکوز ہیں۔

فنڈ آف فنڈز (FUND-OF-FUNDS)

یہ فنڈز دوسرے فنڈز میں سرمایہ کاری کرتے ہیں۔ بیلینسڈ فنڈز کی طرح ، وہ بھی سرمایہ کار کے لئے اثاثوں کو مختص اور تنوع کو آسان بنانےکی کوشش کرتے ہیں۔

ایکسچینج ٹر یڈڈ فنڈز

ایکسچینج ٹر یڈڈ فنڈ (ای ٹی ایف) ایک سرمایہ کاری فنڈ ہے جس میں سرمایہ کار یوں کا ذخیرہ ہوتا ہے، جیسے اسٹاکس (stocks) یا بانڈز (bonds) جو سرمایہ کاروں کے ایک گروپ کی ملکیت ہوتی ہے اور پیشہ ور منی منیجر اس کا نظم و نسق چلاتا ہے۔ میوچل فنڈز کے برعکس، ای ٹی ایفس اسٹاک ایکسچینج سے تجارت کرتے ہیں.

ای ٹی ایفس (ETFs) کی اقسام

فردکے سرکے خاکے پر سیدھی سمتوں کو ظاہرکرنے والے تِیر

انڈیکس ای ٹی ایفس (INDEX ETFs)

یہ ای ٹی ایفس بینچ مارک کی قر یبی پیروی کرنے کے لئے بنائے گئے ہیں (مثال کے طور پر، TSX/S&P 60)۔ یہ غیر فعال سرمایہ کار یاں ہیں – ان کا مقصد انڈیکس کو قر یبی طور سے تلاش کرنا ہے، اور عام طور پر ای ٹی ایف کی کم فیسیں اور اخراجات ہوتے ہیں۔ یہ ای ٹی ایف بینچ مارک پر سبقت لے جانےکی کوشش نہیں کرتے۔

فردکے سرکے خاکے  پر بہت سی سمتوں کو ظاہرکرنے والے تِیر

فعال طور پر منظم شدہ ای ٹی ایفس (ACTIVELY MANAGED ETFs)

فعال طور پر منظم کردہ ای ٹی ایفس کسی انڈیکس کی تلاش نہیں کرتے۔ ایک فعال طور پر منظم کردہ ای ٹی ایف سرمایہ کار یوں کو خر یدتے اور بیچتے ہیں جس کی بنیاد ای ٹی ایف کی سرمایہ کاری کے مقصد اور پورٹ فولیو مینیجرکی حکمت عملی پر ہوتی ہے اور عام طور پر اس کی فیسیں انڈیکس ای ٹی ایفس سے ز یادہ ہوتی ہیں۔

رئیل اسٹیٹ سرمایہ کاری کی مصنوعات

غیر منقولہ جائیداد میں سرمایہ کاری رئیل اسٹیٹ میں سرمایہ کاری کرنےکا ایک بہت عملی طر یقہ ہے، عام طور پر جس کی قیمت زیادہ ہوتی ہے اور اس کا نظم و نسق کرنے کے لئے مز ید وقت درکار ہوتا ہے۔

وقت، لاگت اور خطرات جو سرمایہ کاری کی حیثیت سے کسی املاک کی ملکیت کے ساتھ وابستہ ہوتے ہیں، اس کی بجائے آپ فنڈز، ٹرسٹوں اور دیگر سرمایہ کاری کی مصنوعات کے ذر یعہ رئیل اسٹیٹ میں سرمایہ کاری کرنےکا انتخاب کرسکتے ہیں جو پراپرٹیزکا بذات خودنظم و نسق اور دیکھ بھال کی ضرور یات کے بغیر رئیل اسٹیٹ مارکیٹ میں سرمایہ کاری کا تجربہ فراہم کرتی ہے۔

ان مصنوعات کو خر یدنا، جیسےکہ عوامی طور پرکی جانے والی تجارت کی رئیل اسٹیٹ کمپنی کا شیئر ہے، اس کا مطلب یہ ہےکہ آپ بذات خودکسی جائدادکی دیکھ بھال کئے بغیر رئیل اسٹیٹ مارکیٹ میں سرمایہ کاری کررہے ہیں۔

رئیل اسٹیٹ کی سرمایہ کار یوں کو سمجھنا

رئیل اسٹیٹ انو یسٹمینٹ ٹرسٹ (REAL ESTATE INVESTMENT TRUST)

رئیل اسٹیٹ انو یسٹمینٹ ٹرسٹ، یا ” آر ای آئی ٹی” ایک ایسی کمپنی ہے جو رئیل اسٹیٹ کی مالک ہوتی ہے۔ آر ای آئی ٹیز عام طور پر بڑے پیمانے پر جائیدادوں کی مالک ہوتی ہیں جیسےکہ دفتری عمارات، شاپنگ مالز، ہوٹل، گودام اور اپارٹمینٹس ہیں۔ کسی آر ای آئی ٹی میں سرمایہ کاری کا مطلب ہےکہ آپ ان بڑی بڑی ادائیگیوں کے ذر یعہ آمدنی وصول کرنے کے اہل ہیں جو ٹرسٹ اپنی ملکیتی پراپرٹیز سے وصول کرتے ہیں۔

محدود شراکت داری

رئیل ایسٹیٹ لمیٹڈ پارٹنرشپ، یا "ایل پی”، کو عمومی طور پرکسی پراپرٹی کو تیار کرنے یا اس پراپرٹی کا نطم و نسق کرنے کے لئے استعمال کیا جاتا ہے جسے پہلے ہی تعمیرکیا جا چکا ہو۔ عام پارٹنر، جو رئیل اسٹیٹ ایل پی کا نظم و نسق کرتا ہے، زمین خر یدنے اور اس پر تعمیرات کرنے یا اسے ز یادہ قیمت پر دو بارہ بیچنے کے لئے سرمایہ کاروں کا پیسہ استعمال کر سکتا ہے، اگر زمین یا ڈیو یلپمینٹ پراجیکٹ کی قیمت میں اضافہ ہوتا ہے تو سرمایہ کاروں کیلئے مالی ترقی کے امکانات فراہم کرتا ہے۔

مارٹگیج انو یسٹمینٹ اینٹیٹی (MORTGAGE INVESTMENT ENTITY)

مارٹگیج انو یسٹمینٹ اینٹیٹی ، یا "ایم آئی ای”، مارٹگیج فنانسنگ کا کاروبار ہے جو سرمایہ کاروں سے ایسے لوگوں کو قرض دینے کے لئے پیسہ جمع کرتا ہے جو بینکوں یا کر یڈٹ یونیئنوں جیسے روایتی قرض دہندگان سے مارٹگیج حاصل نہ کر سکنےکے قابل ہوں۔

سِنڈیکیٹڈ مارٹگیج (SYNDICATED MORTGAGE)

سِنڈیکیٹڈ مارٹگیج ایک ایسی مارٹگیج ہے جسے دو یا دو سے زائد سرمایہ کار فراہم کرتے ہیں جنہوں نےکسی پراپرٹی کیلئے ایک ہی مارٹگیج میں براہِ راست سرمایہ کاری کی ہو۔ کسی ایم آئی ای میں سرمایہ کاری کے برعکس، ایک سِنڈیکیٹڈ مارٹگیج سرمایہ کاری کا اطلاق اکہری مارٹگیج پر ہوتا ہے بجائے مارٹگیجز کے پورٹ فولیو کے۔

خطرے اور منافع کو سمجھنا

خطرے میں کسی سرمایہ کاری کا اصل منافع جو متوقع منافع سے مختلف ہو اور آپ کی سرمایہ کاری میں سےکچھ یا تمام رقم ضائع ہونےکا امکان شامل ہوتا ہے۔ آپ اپنے پیسے پر منافع حاصل کرنے کے لئے سرمایہ کاری کرتے ہیں، لیکن صرف منافعوں پر ہی غور نہیں کیا جاتا ہے۔ خطرہ اور منافع آپس میں جڑے ہوئے ہیں۔ عام طور پر ،کسی سرمایہ کاری کا جتنا ز یادہ خطرہ ہوتا ہے، اتنےہی ز یادہ منافع کا بھی امکان ہوتا ہے۔ اگر آپ میں خطرےکی برداشت کم ہے، تو آپ ممکنہ طور پرکم خطرے والی سرمایہ کاری کا انتخاب کرتے ہیں اور اس طرح اس میں ممکنہ منافع بھی کم ہوتا ہے۔ اگر آپ میں خطرے کی برداشت ز یادہ ہے، تو آپ ممکنہ طور پر ز یادہ خطرے والی سرمایہ کاری کا انتخاب کرتے ہیں اور اس طرح اس میں ممکنہ منافع بھی ز یادہ ہوتا ہے۔

exclamation mark

سرمایہ کاری کے خطرات کی اقسام

جب آپ سرمایہ کاری کرتے ہیں، تو آپ پر مختلف اقسام کےخطرےکا انکشاف ہوتا ہے۔

خطرات کے بارے میں مزید معلومات حاصل کر یں

سرمایہ کاری کی دھوکہ دہی کو شناخت کرنا سیکھیں

ایک قول ہے کہ اگرکچھ اتنا ز یادہ اچھا محسوس ہوتا ہےکہ اس پر یقین کرنا مشکل ہو، تو ممکن ہے وہ مشکوک ہو۔ جعلی سرمایہ کاری کے مواقع اور انہیں فروخت کرنےکی کوشش کرنے والے لوگ بعض اوقات بہت قائل کرنے والے ہو سکتے ہیں، اسی لئے یہ جاننا ضروری ہےکہ کچھ عام فریب و دھوکے باز یاں کس طرح کی ہیں اور وہ کہاں رونما ہو سکتی ہیں۔

سرمایہ کار دھوکہ دہی سے اپنی زندگی کی کچھ یا تمام بچتیں ضائع کرسکتے ہیں۔ بہت سے لوگ اکثر اپنے دوستوں اور خاندان والوں سے شرمندگی یا ردعمل کے خوف سے دھوکہ دہی کی اطلاع نہیں دیتے ہیں۔ وہ گروپ کے اندر موجود مسائل کو حل کرنے کی کوشش کر سکتے ہیں، ایساکرنا دوسروں کو بھی اسی فراڈ کا شکار بنا سکتا ہے۔

دھوکہ دہی کرنے والےآپ اور آپ کے محنت سےکمائےجانے والے پیسےکےدرمیان کافی حد تک جائیں گے۔ یہ جاننا کہ کس بات کا دھیان رکھنا چاہیئے آپ کو سرمایہ کاری کی دھوکہ دہی میں پیسےکے نقصان سے بچانے میں مددکر سکتا ہے۔

سرمایہ کاری کی دھوکہ دہی کی عام علامتیں

معمولی یا بغیر خطرہ ز یادہ منافع

عام طور پر ، کسی سرمایہ کاری کا ممکنہ منافع جتنا ز یادہ ہوتا ہے، اس سرمایہ کاری کا خطرہ بھی اتنا ہی ز یادہ ہوتا ہے۔ اگرکوئی آپ سےکسی ایسی سرمایہ کاری کا وعدہ کرتا ہے جس میں تھوڑے سے یا کسی بھی خطرے کے بغیر بہت زیادہ منافع ہو، تو ممکن ہےکہ وہ جس سرمایہ کاری کی پیش کش کر رہے ہیں وہ دھوکہ ہو۔

انتباہ کا جلتا بجھتا نشان

"مفید ہدایات” یا اندرونی معلومات

"مفید مشورے” یا "اندرونی معلومات” کے ذرائع رکھنے والوں کے ذہن میں آپ کے بہتر ین مفادات نہیں ہوتے۔ اس بارے میں سوچیں کہ وہ آپ کو مشورےکیوں پیش کررہے ہیں، اور ان کے بارے میں آپ کو بتانے سے انہیں کیسے فائدہ ہوتا ہے۔ اگر یہ واقعی کسی پبلک کمپنی کے بارے میں اندرونی معلومات ہیں، تو اندرونی تجارتی قوانین کے تحت اس پر عمل کرنا غیر قانونی ہوگا۔

خر یدنےکیلئے دباؤ

دھوکہ دہی کرنے والے آپ کا پیسہ جلدی حاصل کرنےکیلئےکثرت سے دباؤ والی فروخت کے حربے استعمال کرتے ہیں اور پھر دوسرے شکارکی طرف بڑھتے ہیں۔ اگر آپ کو فوری طور پرکوئی فیصلہ کرنےکو کہا جاتا ہے یا آپ کو محدود وقت کی پیش کش کی جاتی ہے تو بہت محتاط رہیں۔

وہ سرمایہ کاری بیچنے کے لئے رجسٹرڈ نہیں ہیں

اس سے پہلےکہ آپ سرمایہ کاری کریں۔، اس شخص کی رجسٹر یشن چیک کریں۔ جو آپ کو سرمایہ کاری کی پیش کش کر رہا ہے۔ عام طور پر، جو بھی سیکیورٹیز بیچتا ہے یا سرمایہ کاری کے مشورے پیش کرتا ہے اسے اپنے صوبائی سیکیورٹیز ر یگولیٹر کے ساتھ رجسٹرڈ ہونا چاہیئے۔

exclamation mark

ممکن ہےکہ آپ دھوکہ دہی کی اطلاع دینے میں ہچکچاتے ہوں لیکن یہ یاد رکھنا ضروری ہےکہ سرمایہ کاری کی دھوکہ دہی کسی کے ساتھ بھی ہوسکتی ہے۔ اگر آپ کو شبہ ہےکہ آپ سے کسی دھوکے باز نے رابطہ کیا ہے یا آپ کو دھوکہ دیا گیا ہے، تو فوری طور پر ہم سے رابطہ
کر یں۔

سرمایہ کاری کی فر یب کار یوں سے بچنا

اپنی ضرورت کے مطابق وقت لیں

محدود وقت کی پیش کشوں اور ز یادہ دباؤ ڈالنے والے سیلز مینوں کے بارے میں شک وشبہ رکھیں۔ اگر سرمایہ کاری جائز ہے، تو آپ کو موقع ہی پر سرمایہ کاری کرنےکی ضرورت نہیں ہے۔ باخبر فیصلہ کرنےکیلئے اپنی ضرورت کے مطابق وقت لیں۔

کسی سے دوسری رائے حاصل کر یں

بن مانگے سرمایہ کاری کے مواقع جو ممکن ہے آپ فون پر، آن لائن یا واقف کاروں سے حاصل
کر یں ان کے بارے میں مُتشکک ر ہیں۔ اس سے پہلے کہ آپ سرمایہ کاری کر یں، ہمیں کال
کر یں یا کسی سے دوسری رائے حاصل کر یں جس کی آپ نے تصدیق کی ہوکہ وہ رجسٹرڈ مشیر ہے۔ آپ کسی وکیل یا اکاؤنٹینٹ سے بھی مشورہ کر سکتے ہیں۔

سرمایہ کاری کی تحقیق کر یں

کسی بھی سرمایہ کاری کرنے سے پہلے، سمجھیں کہ یہ کیسےکام کرتی ہے، اور اس سے تعلق رکھنے والے خطرات اور فیسیں کیا ہیں۔ سوالات پوچھنے سے نہ گھبرائیں۔ اس بات کو یقینی بنائیں کہ یہ آپ کے مالی مقاصد اور ضرور یات کے مطابق ہے۔

exclamation mark

رجسٹر یشن چیک کر یں

جوکوئی بھی سیکیورٹیز بیچتا ہے یا سرمایہ کاری کے مشورے پیش کرتا ہے اسے اپنے صوبائی سیکیورٹیز ر یگولیٹر کے ساتھ لازمی طور پر رجسٹرڈ ہونا چاہیئے۔

دھوکہ دہی اور فر یب کار یاں

دھوکہ دہی اور فر یب کار یاں کئی صورتوں میں ہوتے ہیں، لیکن یہ سب مشترکہ عناصر کے ذر یعہ جڑے ہوئے ہیں۔ اس بارے میں جانیں کہ اپنے آپ کی اور اپنے پیسےکی حفاظت میں مدد کیلئے آپ کیا کرسکتے ہیں۔

عام دھوکہ دہی اور فر یب کار یاں

تعلق داری کی دھوکہ دہی (Affinity fraud)

تعلق داری کی دھوکہ دہی سرمایہ کاری کی دھوکہ دہی کی ایک ایسی شکل ہے جس میں دھوکہ دہی کرنے والے ممکنہ متاثر ین سے کسی گروہ یا کمیونٹی کی تنظیم کے توسط سے رابطہ کرتے ہیں جس سے وہ تعلق رکھتے ہیں۔ یہ گروہ مذہبی گروہ، نسلی گروہ، یا یہاں تک کہ یونیئنز یا فوج جیسی افرادی قوت کی جماعتیں ہوسکتی ہیں۔

مستثنٰی سیکیورٹیزکی فر یب کاری (Exempt securities scam)

اپنے بل بوتے پے، مستثنیٰ سیکیورٹیز فریب کاری نہیں ہیں۔ لیکن کچھ فر یب کار جعلی سرمایہ کاری کو "مستثنیٰ” سیکیورٹیز کی حیثیت دیتے ہیں۔ مُتشکک رہیں اگر آپ کو کسی امید افزا کاروبار جو "عوامی سطح پرکھلنے والا ہے” کے بارے میں کوئی مفید ہدایت غیرمطلوب فون کال پر موصول ہو تو چیک کرنے کے لئے اپنے مقامی سیکیورٹیز ریگولیٹرز سے رابطہ کر یں۔

فار یکس فر یب کاری (Forex scam)

فار یکس اشتہارات اکثرکورسز یا سوفٹ و یئر کے ذر یعہ، غیر ملکی زرمبادلہ کی مارکیٹ تک آسان رسائی کو فروغ دیتے ہیں۔ لیکن غیر ملکی زرمبادلہ کی تجارت پر بڑے، خاصے وسائل رکھنے والے بین الاقوامی بینکوں کا غلبہ ہے جن میں اعلٰی تربیت یافتہ عملہ، معروف عمدہ پیمانےکی ٹیکنالوجی تک رسائی اور بڑے اکاؤنٹس ہیں۔ ان پیشہ وروں کو شکست دینا انتہائی مشکل ہے۔

آف شور سرمایہ کاری کی فر یب کاری (Offshore investing scam)

اگر آپ اپنا پیسہ ” آف شور” کسی دوسرے ملک بھیج دیتے ہیں تو یہ فر یب کاری بہت ز یادہ منافع کا وعدہ کرتی ہے۔ عام طور پر اس کا مقصد اپنے ٹیکسوں کو کم کرنا یا ان کی ادائیگی سےگر یزکرنا ہوتا ہے، لیکن آپ کا انجام ٹیکسوں کو واپس کرنے، سود اور جرمانے میں حکومت کو رقم کی واپسی اورجرمانے بھگتنےکی صورت میں ہوتا ہے۔ نیز، اگر کچھ غلط ہوجاتا ہے، تو آپ اپنا مقدمہ کینیڈا میں سول عدالت میں لیجانےکے قابل نہیں ہوں گے۔

پونزی یا پیرامڈ اسکیم (Ponzi or pyramid scheme)

ان اسکیموں سے لوگوں کو اشتہارات اور ای میلز کے ذریعے بھرتی کیا جاتا ہے جو وعدہ کرتے ہیں کہ آپ گھر سےکام کرکے بہت ز یادہ پیسہ کما سکتے ہیں یا صرف ہفتوں میں 10 ڈالرکو 20,000 ڈالر میں بدل سکتے ہیں۔ یا، آپ کو سرمایہ کاروں کے ایک اسپیشل گروپ میں شامل ہونےکا موقع فراہم کیا جاسکتا ہے جو ایک بہت بڑی سرمایہ کاری سے مالا مال ہونے جا رہے ہیں۔ یہ دعوت شاید کسی ایسے شخص کی طرف سے بھی ہو سکتی ہے جس کو آپ جانتے ہوں۔

پمپ اینڈ ڈمپ اسکیم (Pump and dump scam)

کم قیمت والے اسٹاک کو فروغ دینے کے لئے اسکیمرز (Scammers) یعنی فر یب دینے والے آپ سے رابطہ کرتے ہیں۔ آپ جو نہیں جانتے وہ یہ کہ اسکیمر اس اسٹاک کی پہلے سے ہی بڑی مقدار کا مالک ہوتا ہے۔ جب آپ اور دوسرے سرمایہ کار حصص خریدتے ہیں، تو اسٹاک کی قیمت میں اضافہ ہوتا ہے۔ جب قمیت انتہا پر ہوتی ہے، اسکیمر اپنے حصص اور اسٹاک کی قیمت کو بیچ دیتا ہے، جس سے اسٹاک کی قدرگر جاتی ہے، آپ کے پاس بیکار اسٹاکس رہ جاتے ہیں۔

ایڈوانس فیسوں کی اسکیم (Advance fees scheme)

اس فر یب کاری میں، متاثرہ شخص کو نقد رقم اداکرنےکیلئے راضی کیا جاتا ہے تاکہ وہ بدلے میں ایک بڑا منافع کمانےکیلئے سرمایہ کاری کے ایک موقع سے فائدہ اٹھائے۔ لیکن اسکیمر رقم لے جاتا ہے اور متاثر ہونے والے سے وہ کبھی رابطہ نہیں کرتے۔ خطرناک سرمایہ کاری میں پیسےکا نقصان اٹھانے والے سرمایہ کاروں کو اکثر نشانہ بنایا جاتا ہے۔

exclamation mark

کیا آپ کسی نئی سرمایہ کاری پر غورکر رہے ہیں؟

دھوکہ دہی کی انتباہی علامات کو کیسے معلوم کرنا ہے، اور مشتبہ فر یب کار یوں سے اپنے آپ کو کیسے بچانا ہے یہ سیکھنے کے لئے ہمارے اسکیم اسپاٹر ٹول کا استعمال کر یں۔

Scam Spotter

گھر کے سامنے چھڑی کے ساتھ چلتا ہوا بزرگ

کینیڈا میں عمر رسیدہ ہونا

بڑی عمرکےکینیڈینز کی مختلف مالی ضرور یات ہیں، جن میں ر یٹائرمینٹ کیلئے منصو بہ بندی، قرض ادا کرنا، کنبہ کے افرادکی مدد کرنا، ر یٹائرمینٹ میں رہنا اور اسٹیٹ پلاننگ شامل ہیں۔

زندگی میں اس مرحلے سے متعلق مالی سوالات کے جوابات کے لئے یہاں کچھ وسائل ہیں۔

ر یٹائرمینٹ کی منصوبہ بندی

ر یٹائرمینٹ کا منصوبہ آپ کو یہ فیصلہ کرنے میں مدد دیتا ہے کہ آپ کس قسم کا طرز زندگی پسند کرنا چاہیں گے۔ آپ کےکام چھوڑ دینےکے بعد آپ کو کتنی بچت کرنےکی ضرورت ہے اور اپنے پیسےکو کس طرح کنٹرول کر یں گے۔

ر یٹائرمینٹ کی منصوبہ بندی اپنے پیسےکو سنبھالنے کے بارے میں ہے تاکہ آپ ر یٹائرمینٹ کے ز یادہ تر سالوں میں فائدہ اٹھاسکیں۔ آپ کے ریٹائرمینٹ پلان کو آپ کی ضرور یات، خواہشات اور آپ کے مالی معاملات کی حقیقت کو متوازن بنانا چاہیئے۔

ر یٹائرمینٹ کا منصوبہ رکھنےکی 3 وجوہات

جھنڈا

اہداف مقررکر یں

ایک منصوبہ آپ کو ر یٹائرمینٹ کے اہداف مقررکرنے میں مدد دیتا ہے، بشمول اس عمرکے جب آپ کام کرنا چھوڑنا اور طرز زندگی بدلنا چاہتے ہیں۔

کیلکولیٹر

اس بات کو جانیں کہ کتنی بچت کرنی ہے

اس سے آپ کو یہ اندازہ لگانے میں مدد مل سکتی ہےکہ ریٹائرمینٹ میں آرام سے رہنےکیلئے آپ کو کتنا پیسہ بچانا ہے۔

دائروں کےگرِڈکے ساتھ ہاتھ جو ایک دائرےکو چن رہا ہے

اس بات کا انتخاب کر یں کہ کیا سرمایہ کاری کرنی ہے

آپ کی خطرےکو برداشت کی بنیاد پر آپ کی سرمایہ کاری کے انتخابات میں رہنمائی کرسکتا ہے۔

بچت
آپ کو کتنی بچت کی ضرورت ہے اس کا انحصار 3 چیزوں پر ہے:

آپ کی عمر

جب آپ بچت شروع کرتے ہیں تو اس سے بڑا فرق پڑتا ہےکہ آپ کو کتنی رقم پس اندازکرنا چاہیئے۔ جب آپ شروع کرتے ہیں تو آپ جتنےکم عمر ہوتے ہیں، آپ کو اتنا ہی کم پیسہ پس اندازکرنا ہوتا ہے، یہ سب کمپاؤنڈنگ کی طاقت کی بدولت ہے۔ یہ جاننے کے لئےکہ آپ کتنی بچت کر سکتے ہیں اس کیلکولیٹرکو استعمال کر یں۔

آپ کا طرز زندگی

کیا آپ گھر میں رہنےکا ارادہ رکھتے ہیں یا دنیا کا سفرکرنےکا ارادہ ہے؟ رقم جو آپ کو بچانےکی ضرورت ہوگی اس کا انحصار زندگی گزارنے پر ہوگا جب آپ ر یٹائر ہو جائیں گے۔

وفاقی حکومت کے بینافٹس

آپ حکومتی ر یٹائرمینٹ بینافٹس جیسےکینیڈا پینشن پلان (سی پی پی)، اولڈ ایج سیکیورٹی (او اے ایس) اورگارنٹیڈ انکم سپلیمنٹ (جی آئی ایس) کے مستحق ہوسکتے ہیں۔ اگر آپ ان حکومتی پروگراموں سے آمدنی کے اہل ہیں، تو آپ کو اتنی ز یادہ رقم بچانےکی ضرورت نہیں ہوگی۔

exclamation mark

کیا آپ سینئرز ٹیکس کر یڈٹ کے اہل ہیں؟

بزرگ کی حیثیت سے، آپ مخصوص ٹیکس کر یڈٹس کے اہل ہو سکتے ہیں۔ آپ ایسے اخراجات بھی کلیم کر سکتے ہیں جیسےکہ میڈیکل کے اخراجات اور نگہداشت کے اخراجات۔

مالی استحصال

عمر بڑھنےکے ساتھ صحت، نقل و حرکت، یا ادراکی تبدیلیاں پیدا ہوسکتی ہیں جو بعد کی زندگی میں کسی فردکی فیصلےکرنےکی صلاحیت پر اثر انداز ہو سکتی ہیں، اور مالی استحصال اور دھوکہ دہی ان کی حساسیت کو متاثرکرسکتے ہیں۔ یہ تسلیم کرنا ضروری ہےکہ یہ عوامل مختلف افرادکو ان کی زندگیوں کے مختلف مقامات پر اور نمایاں طور پر مختلف درجوں تک متاثرکرسکتے ہیں۔

اگر آپ کو یقین ہے یا آپ کو شبہ ہےکہ کوئی فنڈز چوری کر رہا ہے یا رقم لینےکیلئے، اکاؤنٹس تک رسائی کیلئے، یا مالی دسترس حاصل کرنےکیلئے آپ کے ساتھ ساز باز کر رہا ہے، تو یہاں کچھ اقدامات ہیں جو آپ اس روئیےکو روکنے میں مددکیلئےکرسکتے ہیں:

جس کسی پر آپ اعتماد کرتے ہیں اس سے بات کر یں۔

یہ کوئی ہمسایہ، کوئی خاندان کا فرد، صحت کی دیکھ بھال کرنے والا ورکر، یا آپ کی کمیونٹی کا کوئی دوسرا فرد ہوسکتا ہے۔ وہ معاونت حاصل کرنے میں آپ کی مدد کرسکتے ہیں۔

اپنے مالی ر یکارڈ کی نقول حاصل کر یں۔

اپنے بینک، سرمایہ کاری اور پینشن کے ر یکارڈوں کی جانچ پڑتال کر یں تاکہ تصدیق کی جاسکے کہ کیا کوئی مشکوک سرگرمی تو نہیں ہوئی۔ آپ کیش کروائے جانے والے چیکس کی نقول بھی طلب کر سکتے ہیں۔ ممکن ہےکہ آپ اپنی وصیت، پاور آف اٹارنی اور دیگر اہم کاغذی کاموں پربھی نظرثانی کرنا چاہتے ہوں۔ اگرکوئی چیز واضح نہ ہو، تو اپنے بینک یا مالی نمائندے سے براہ راست بات کر یں۔

پیشہ ور افراد سے بات کر یں۔

ایسے لوگ موجود ہیں جو آپ کے مالی مفادات کی دیکھ بھال کرنے میں مددکرسکتے ہیں۔ اس میں آپ کا وکیل یا اکاؤنٹینٹ شامل ہیں۔

پولیس سے بات کر یں۔

دھوکہ دہی ایک سنگین جرم ہے جسے سنجیدگی سے لیا جائےگا۔ غیر ہنگامی پولیس کا عملہ مشکوک سرگرمی کی تفتیش اور قانون توڑنے والوں پر ممکنہ طور پر الزامات عائد کرنے میں معاون ثابت ہوسکتا ہے۔

exclamation mark

ایسی تنظیموں تک پہنچیں جو آپ کو مشورے دے سکیں۔

ایلڈر ابیوز پر یو ینشن اونٹار یو میں سینئرز کے تحفظ کی لائن موجود ہے (ایس ایس ایل):
1-866-299-1011

یہ متعدد زبانوں میں24/7 دستیاب ہے اور لوگوں کو مسائل پر تبادلہ خیال کرنےکیلئے ایک محفوظ، خفیہ جگہ فراہم کرتی ہے۔

یہ ہدایات آپ کو مالی استحصال سے بچانے میں مدد کرسکتی ہیں

1

اپنے خاندان، دوستوں اور اپنی کمیونٹی سے جڑے رہیں

2

اپنے بینک اکاؤنٹ میں بلوں کی ادائیگی اور ڈیپازٹس کیلئے خودکار ادائیگیوں کا طر یقہ سیٹ کر یں؛ کسی بھی غیر معمولی چیزکیلئے اپنے مالی ر یکارڈوں کا جائزہ لیں

3

اپنی ذاتی اور مالی معلومات (پی آئی این، پاس ورڈز وغیرہ) کو محفوظ رکھیں، ان معلومات کو شیئر نہ کر یں

4

اگر آپ چاہتے ہوں تو صرف اسی صورت میں پیسےکسی کو ادھار دیں، اور واپس ادائیگی کیلئے دستخط شدہ دستاو یز اپنے پاس رکھیں

5

اپنے اور اپنے مالی معاملات کی دیکھ بھال کیلئے ایک مستقل یا رواں پاور آف اٹارنی کے ذر یعےکسی ایسے فردکا تقررکریں جس پر آپ اعتماد کرتے ہوں

6

تمام دستاو یزات پر دستخط کرنے سے پہلے انہیں سمجھیں

exclamation mark

بزرگوں کے ساتھ بدسلوکی کے بارے میں بہترفہم حاصل کرنےکیلئےکینیڈین نیٹ ورک فار دی پر یو ینشن آف ایلڈر ابیوز (CNPEA) کا وزٹ کر یں جس میں ہر صوبے میں کینیڈینز کیلئے ہدایات اور وسائل موجود ہیں۔ مز ید معلومات کیلئے www.cnpea.ca پر جائیں۔

فیکٹ کارڈز

فیکٹ کارڈز مفت ڈیجیٹل کارڈ ہیں جن پر سرمایہ کاری کے موضوعات پر غیرجانبدارانہ معلومات ہیں جنہیں تیسری پارٹی کی و یب سائٹوں پر آو یزاں کیا جا سکتا ہے۔

فیکٹ کارڈز میں سرمایہ کاری کی دھوکہ دہی کے سرخ جھنڈوں سے لےکر میوچل فنڈز کو سمجھنے سے لے کر مالی نمائندے کی ر جسٹر یشن کی جانچ پڑتال تک کے عنوانات شامل ہیں۔ ان سب کی شناخت او ایس سی کے صارف کےعلم کی و یب سائٹ GetSmarterAboutMoney.ca پرکی جاتی ہے۔

فیکٹ کارڈز کو عوامی سطح پر دستیاب و یب کوڈ (جس طرح یوٹیوب کی و یڈیوز و یب سائٹ پرآو یزاں کی جاسکتی ہیں) کے ذر یعے اور سوشل میڈیا لنکس کے ذر یعے شیئرکیا جا سکتاہے۔

GetSmarterAboutMoney Owl icon

GetSmarterAboutMoney.ca

GetSmarterAboutMoney.ca اونٹار یو سیکیورٹیز کمیشن کی و یب سائٹ ہے جو آپ کو اپنے پیسے کے بارے میں بہتر فیصلےکرنے میں مدد دینےکیلئے خود مختارانہ اور غیر جانبدارانہ معلومات اور مالی ٹولز فراہم کرتی ہے۔

یہاں آپ کو سرمایہ کاری کرنےکی بنیادی باتیں، کینیڈا میں دستیاب سرمایہ کاری کے اکاؤنٹس کی مختلف اقسام، اور سرمایہ کاری کا انتخاب کرنے سے پہلے پوچھنے جانے والے سوالات کے بارے میں معلومات ملیں گی۔

GetSmarterAboutMoney.ca پر آپ اور آپ کےکنبےکیلئے سرمایہ کاری کے بہتر باخبر فیصلےکرنے میں آپ کی مددکیلئےکیلکولیٹرز، ورک شیٹس، اورکوئزز بھی ہیں۔

ہم سے رابطہ کر یں

مقامی (ٹورانٹو)

416-593-8314

ٹول فری (نارتھ امر یکہ)

1-877-785-1555

ٹی ٹی وائی

1-866-827-1295

فیکس

416-593-8122

(سوالات اور شکایات)