Wallet with glasses

کینیڈا میں اپنے مستقبل کے لئے سرمایہ کاری کرنا

ایسے سرمایہ کاری کے اختیارات دستیاب ہیں جن کے تحت آپ اپنی مستقبل کی ضروریات، جیسے گھر کی خریداری، اپنے بچے کی تعلیم کے لئے بچت یا آرام کے ساتھ ریٹائرمینٹ کے لئے رقم الگ رکھ سکتے ہیں۔

سرمایہ کاری کے یہ اختیارات تین اثاثہ زمروں میں آتے ہیں:

نقد

نقد سرمایہ کاریوں میں بچت کھاتے، مقررہ مدت کے ڈیپازٹس جیسے گیارنٹیڈ سرمایہ کاری سرٹیفکیٹس (GICs)، کرنسی، کینیڈا سیونگز بانڈز، منی مارکیٹ فنڈز اور ایک سال سے کم عرصہ میں میعاد مکمل کرنے والے سرکاری و کارپوریٹ بانڈز شامل ہیں۔

مقررہ آمدنی

مقررہ آمدنی والی سرمایہ کاری میں ایک سال سے زیادہ عرصہ میں معیاد مکمل کرنے والے سرکاری اور کارپوریٹ بانڈز، ترجیحی شیئرز اور دیگر قرضہ کے دستاویزات شامل ہیں۔

ایکویٹیز

ایکویٹی سرمایہ کاری میں عام اسٹاکس، بعض ڈیریویٹیوز (رائٹس، وارنٹس، آپشنز)، کنورٹیبل بانڈز اور کنورٹیبل ترجیحی شیئرز شامل ہیں۔

مذکورہ بالا پروڈکٹس کے علاوہ، میوچول فنڈز اور ایکسچینج پر ٹریڈ کئے جانے والے فنڈز، جیسے کہ اسٹاکس اور بانڈز سرمایہ کاری کے مختلف طریقے ہو سکتے ہیں۔ ان جیسی سرمایہ کاریوں سے آپ کے پورٹ فولیو کو متنوع بنانے میں مدد مل سکتی ہے۔ اس لحاظ سے کہ ان میں کیا کچھ شامل ہے، وہ اثاثوں کی مختلف کلاسز کے عین مطابق ہو سکتے ہیں۔

آپ اپنی سرمایہ کاری رجسٹرڈ یا غیر رجسٹرڈ اکاؤنٹس میں رکھ سکتے ہیں۔ ہر ایک قسم کے اکاؤنٹ کی اپنی خصوصیات، اہلیتی تقاضے اور تحدیدات ہوتی ہیں۔ یہ تحقیق کرنا اہم ہے کہ کون سا اکاؤنٹ (یا اکاؤنٹس) آپ اور آپ کے خاندان کے لئے بہترین ہے۔

رجسٹرڈ اکاؤنٹ ٹیکس کے فوائد کی پیش کش کرتے ہیں
یہاں رجسٹرڈ اکاؤنٹ کے دو اختیارات دیئے گئے ہیں:

TFSA

ایک ٹیکس فری سیونگز اکاؤنٹ (TFSA) وفاقی حکومت کے ساتھ رجسٹرڈ ہوتا ہے جو آپ کی بچت کو آپ کے کسی بھی ہدف کے لئے ٹیکس-فری طور پر بڑھنے دیتا ہے۔ TFSA سے واپس نکالی گئی رقم ٹیکس فری ہوتی ہے کیونکہ آپ نے ٹیکس کی ادائیگی کردہ ڈالرز کی رقم جمع کی تھی۔

RRSP

ایک رجسٹرڈ ریٹائرمینٹ سیونگز پلان (RRSP) وہ اکاؤنٹ ہوتا ہے جو وفاقی حکومت کے ساتھ رجسٹرڈ ہوتا ہے، اور آپ کو اپنی ریٹائرمینٹ کے لئے رقم کی بچت کرنے میں مدد کرتا ہے۔ RRSP میں دیا گیا تعاون ٹیکس-مؤخر ہوتا ہے۔ اس کا مطلب یہ ہے کہ آپ تعاون کے لئے استعمال کردہ اپنی آمدنی پر کوئی ٹیکس نہیں دیتے لیکن اپنے ذریعہ واپس نکالی گئی رقم پر ٹیکس ادا کرتے ہیں۔

exclamation mark 3 types of homes

گھر خریدنا ایک بڑی سرمایہ کاری ہے۔ دیگر کئی سرمایہ کاریوں کی طرح، ریئل ایسٹیٹ مارکیٹ کی قیمتیں بھی اتار چڑھاؤ سے مشروط ہوتی ہیں۔ اور ٹھیک دیگر سرمایہ کاریوں کی طرح ہی، خریداری کرنے سے پہلے تحقیق کریں اور دھیان سے اپنے اختیارات پر غور کریں۔

کینیڈا میں دستیاب سرمایہ کاری اکاؤنٹس کی اقسام اور سرمایہ کاری اختیارات کے بارے میں مزید معلومات کے لئے، GetSmarterAboutMoney.ca پر جائیں

Baby carriage, apple, and a book

اپنے بچے کی تعلیم کے لئے بچت کرنا

اگر آپ چاہتے ہیں کہ آپ کے بچے کینیڈا میں ہائی اسکول کے بعد یونیورسٹی یا کالج میں تعلیم حاصل کریں یا کسی اپرینٹس شپ پروگرام میں شامل ہوں، تو اس میں کافی اخراجات ہو سکتے ہیں۔ سب سے زیادہ اخراجات ٹیوشن پر ہونے کا امکان ہے، لیکن اور بھی اخراجات ہوتے ہیں جیسے نصابی کتب خریدنے کے ضرورت ہوتی ہے اور یہ کافی مہنگی ہوسکتی ہیں۔ اگر آپ کا بچہ گھر سے باہر کسی اسکول میں جاتا ہے، تو اس کی رہائش اور طعام کے اخراجات بھی ہوں گے۔ ان اخراجات کے لئے بچت کرنے کا ایک طریقہ یہ ہے کہ ایک رجسٹرڈ ایجوکیشن سیونگز پلان (RESP) کھولیں۔

RESP آپ کے بچے کی ہائی اسکول کے بعد کی تعلیم کے لئے بچت کرنے میں مدد کرنے والا ایک وقف شدہ سیونگز پلان ہے۔ آپ کی بچت ٹیکس فری رہتے ہوئے بڑھتی ہے اور سرمایہ کاری کی آمدنی پر اس وقت تک کوئی ٹیکس عائد نہیں ہوتا جب تک یہ اکاؤنٹ میں باقی رہتی ہے۔ ایک طالب علم کے بطور، شاید آپ کے بچے کی زیادہ قابل ٹیکس آمدنی نہ ہو، اس لئے جب وہ اپنی RESP سے رقم واپس نکالیں گے تو اس بات کا امکان ہے کہ انہیں معمولی ٹیکس یا کوئی ٹیکس ادا نہ کرنا پڑے۔

یوں تو سبھی RESPs آپ کو اپنے بچے کی تعلیم کے لئے بچت کرنے میں مدد کرتے ہیں، لیکن کچھ مختلف اقسام کے پلان بھی ہیں؛ ہر ایک پلان کی مختلف خصوصیات بشمول فیس اور ماہانہ تعاون کے تقاضے ہیں۔ کسی بھی قسم کا RESP کھولنے سے پہلے ضابطے جاننا اہم ہے۔

تین قسم کے RESPs ہیں:

Single person

انفرادی پلانز

انفرادی پلانز کا مقصد کسی ایک استفادہ کنندہ کی تعلیم کے لئے ادائیگی کرنا ہے۔ کوئی بھی ایک انفرادی پلان کھول سکتا ہے اور کوئی بھی اس میں تعاون کر سکتا ہے۔ آپ خود کے لئے بھی ایک پلان کھول سکتے ہیں۔ انفرادی پلانز کے تحت آپ کو عموماً ایک کم از کم ڈیپازٹ کرنے کی ضرورت نہیں ہوتی ہے۔

Family

خاندانی پلانز

خاندانی پلانز میں ایک سے زائد استفادہ کنندگان ہو سکتے ہیں۔ مستفیدین کا پلان کھولنے والے افراد سے رشتہ ہونا چاہیے اور آپ یہ فیصلہ کر سکتے ہیں کہ مستفیدین کے درمیان فنڈز کی تقسیم کس طرح ہوگی۔ خاندانی پلانز عموماً آپ سے کم از کم ڈیپازٹ کا تقاضہ نہیں کرتے ہیں۔

Group of people

گروپ پلانز

گروپ پلانز انفرادی پلانز اور خاندانی پلانز سے مختلف ڈھنگ سے کام کرتے ہیں۔ ان میں اکثر ڈیپازٹس کے بارے میں، کتنی رقم اور کتنی کثرت سے آپ کا بچہ رقم واپس نکال سکتا ہے، اور کون سے تعلیمی پروگرام اس کے لئے اہل ہیں، اس بارے میں اضافی ضوابط ہوتے ہیں۔ گروپس پلان کی فروخت اسکالرشپ پلان کے فروخت کنندگان کرتے ہیں جو ان صوبوں اور علاقوں کے سیکورٹیز کے انضباط کاروں کے ساتھ رجسٹرڈ ہوتے ہیں جہاں وہ عوام کو سرمایہ کاری فروخت کرتے ہیں۔ آپ بغیر کسی جرمانے کے 60 دنوں میں اسکالرشپ پلان کے فروخت کنندگان کے ذریعہ فراہم کردہ پلانز منسوخ کر سکتے ہیں۔

exclamation mark

کیا آپ جانتے ہیں؟

اگر آپ کا کوئی RESP ہو، تو حکومت کینیڈا ایک مخصوص حد تک بچت کی اضافی مراعات فراہم کرے گی۔ آپ کے ذریعہ موصول کی جانے والی رقم کا انحصار آپ کے سالانہ تعاون اور گھرانہ کی سالانہ آمدنی پر ہوگا۔

اپنے بچے کی تعلیم کے لئے بچت کرنے کے لئے آپ دیگر اقسام کے اکاؤنٹس کا بھی استعمال کر سکتے ہیں، جیسے کہ ایک TFSA، ایک ٹرسٹ یا غیر رجسٹرڈ اکاؤنٹ۔ ہر قسم کے اکاؤنٹ، بشمول RESPs، کی اپنی خصوصیات اور تحدیدات ہوتی ہیں۔ اپنے اور اپنے خاندان کے لئے بہترین فیصلے کرنے کے لئے اپنے تمام اختیارات اور مختلف اقسام کے اکاؤنٹس اور سرمایہ کاری کا جائزہ لینا یقینی بنائیں۔

RESPs کے بارے میں مزید معلومات کے لئے اور RESPs فراہم کار کا انتخاب کرتے وقت سوالات پوچھنے کے لئے اس ویب پر جائيں

GetSmarterAboutMoney.ca

exclamation mark

وفاقی حکومت سے رجسٹرڈ پلانز (مثلاً: ٹیکس فری سیونگز اکاؤنٹس، رجسٹرڈ ریٹائرمینٹ سیونگز پلانز اور رجسٹرڈ ایجوکیشن سیونگز پلانز) کا انضباط Canada Revenue Agency کرتی ہے، جو حکومت کینیڈا کی ایک ایجنسی ہے۔ Canada Revenue Agency کی ویب سائٹ پر ان پلانز کے بارے میں تازہ ترین معلومات اور ضوابط ہوتے ہیں۔

Magnifying glass over eye

سرمایہ کاری کے فراڈ کی پہچان کرنا سیکھیں

ایک کہاوت ہے کہ اگر کوئی چیز اتنی اچھی محسوس ہو کہ وہ سچ نہیں ہو سکتی ہو، تو شاید واقعی وہ سچ نہ ہو۔ دھوکے بازی پر مبنی سرمایہ کاری کے مواقع اور انہیں فروخت کرنے والے افراد بسا اوقات بہت زیادہ قائل کرنے والے لوگ ہوتے ہیں، اس لئے یہ بات جانناضروری ہے کہ بعض عام قسم کے گھوٹالے کیسے ہوتے ہیں اور یہ کہاں واقع ہو سکتے ہیں۔

ایک طریقہ یہ ہو سکتا ہے کہ دھوکے باز آپ سے کسی ایسے گروپ یا کمیونٹی تنظیموں کے ذریعہ رابطہ کریں جن سے آپ وابستہ ہیں۔  دھوکے باز اعتماد حاصل کرنے کے لئے اپنے شکار کی مذہبی کمیونٹی یا ثقافتی شناخت کا استعمال کرتے ہیں۔ دھوکے باز اکثر ان میں رضاکارانہ کام کرتے ہیں، اس مخصوص گروپ کی سماجی تقریبات میں شرکت کرتے ہیں، اور اکثر اسی کمیونٹی کا ایک حصہ ہوتے ہیں۔ ہوسکتا ہے کہ وہ کینیڈا میں زیادہ مدت سے رہ رہے ہوں اور اسی لئے وہ خود کو ایک ایسا فرد بنا کر پیش کریں جس پر ان کا شکار ممکنہ طور پر اعتماد اور ایک نامانوس کینیڈین مالیاتی صنعت میں ان پر بھروسہ کر سکتا ہے۔ جب وہ مضبوط تعلق قائم کر لیتے ہیں، تو لوگوں کو اپنی اسکیم میں سرمایہ کاری کرنے کے لئے قائل کرتے ہیں۔ اسے قرابت داری کے فراڈ کے نام سے جانا جاتا ہے۔

ان کے شکار افراد اپنی زندگی بھر کی بچت کا کچھ حصہ یا پوری بچت کھو بیٹھتے ہیں۔ بہت سے لوگ اکثر شرمندگی یا اپنے دوستوں یا خاندان کے ردعمل کے خوف سے اس فراڈ کی رپورٹ نہیں کرتے ہیں۔ وہ گروپ کے اندر ہی مسائل سلجھانے کی کوشش کرتے ہیں، جس کی وجہ سے دوسرے لوگ بھی اسی فراڈ کا شکار ہو سکتے ہیں۔

دھوکے باز آپ اور آپ کی محنت کی کمائی کے بیچ آنے کے لئے ہر ممکنہ اقدامات کرتے ہیں۔ سرمایہ کاری کے لئے کیا کچھ دیکھنا چاہیے یہ جاننا سرمایہ کاری کے فراڈ میں رقم ضائع ہونے سے بچانے میں آپ کی مدد کر سکتا ہے۔

سرمایہ کاری کے فراڈ کی عام علامات

Rainbow

معمولی یا بغیر کسی جوکھم کے زیادہ منافع

عموماً، زیادہ جوکھم والی سرمایہ کاری میں زیادہ امکانی منافع ہوتا ہے، اور کم جوکھم والی سرمایہ کاری میں کم امکانی منافع ہوتا ہے۔ اسے جوکھم اور منافع کا تعلق کے نام سے جانا جاتا ہے۔ اگر کوئی آپ سے کم جوکھم یا بغیر کسی جوکھم کے زیادہ منافع والی  سرمایہ کاری کا وعدہ کرتا ہے، تو ہوسکتا ہے کہ جس سرمایہ کاری کی وہ پیش کش کر رہے ہیں، وہ ایک گھوٹالہ ہو۔

Hourglass

خریداری کے لئے دباؤ

دھوکے باز اکثر آپ کی رقم جلدی سے حاصل کرنے کے لئے زیادہ دباؤ ڈال کر فروخت کرنے کا طریقہ اختیار کرتے ہیں اور پھر دوسرے شکار کی تلاش میں نکل جاتے ہیں۔ اپنی رقم کی سرمایہ کاری کرنا ایک سنجیدہ فیصلہ ہوتا ہے، اور اسے ہمیشہ وقت دے کر اور غوروخوض کرکے کیا جانا چاہیے۔ اگر کوئی آپ سے فوری فیصلہ کرنے کے لئے کہتا ہے، یا کوئی محدود-وقت کی پیش کش کرتا ہے، تو کافی محتاط ہوجائیں۔ دھوکے باز افراد آپ کو زیادہ وقت دینا نہیں چاہتے کہ کہیں آپ ان کی اسکیم نہ سمجھ جائیں۔

List

غیر رجسٹرڈ فروخت کنندگان یا مشیران

اس سے پہلے کہ آپ سرمایہ کاری کریں، اس فرد کے رجسٹریشن کی جانچ کریں جو آپ کو سرمایہ کاری کی پیش کش کر رہا ہے۔ عام طور پر، کوئی بھی شخص جو سیکوریٹیز فروخت کرتا ہے یا سرمایہ کاری کے مشورے فراہم کرتا ہے اسے صوبائی سیکوریٹیز کے انضباط کار کے پاس رجسڑڈ ہونا چاہیے۔ اگر سرمایہ کاری فروخت کرنے والا فرد کینیڈا میں کاروبار کرنے کے لئے رجسٹرڈ نہیں ہے، تو آپ کو یہ سوال پوچھنا چاہیے کہ آیا انہيں سرمایہ کاری کو فروخت کرنے کی اجازت ہے۔

رجسٹریشن کی جانچ کرنے کے بارے میں مزید جانیں (صرف انگریزی/فرانسیسی میں)

exclamation mark

ہوسکتا ہے کہ آپ دھوکہ بازوں کی رپورٹ کرنے میں ہچکچائیں لیکن یہ یاد رکھنا اہم ہے کہ سرمایہ کاری کا یہ فراڈ کسی کے ساتھ بھی ہو سکتی ہے۔ اگر آپ کو شبہ ہوتا ہے کہ آپ سے رابطہ کرنے والا فرد دھوکہ باز ہے یا یہ کہ ہو سکتا ہے آپ کسی گھوٹالے کا شکار ہو گئے ہیں، تو براہِ مہربانی فوراً ہم سے رابطہ کریں۔

سرمایہ کاری کے گھوٹالوں سے بچنا

Chat bubble with a tie

دوسری رائے حاصل کریں

فون پر، آن لائن یا کسی جاننے والے فرد کے ذریعہ بغیر طلب کئے سرمایہ کاری کے مواقع کی پیش کش سے ہوشیار رہیں۔ اس سے قبل کہ آپ سرمایہ کاری کریں، ہمیں کال کریں یا کسی اور شخص سے دوسری رائے لیں جس کے بارے میں آپ نے تصدیق کی ہو کہ وہ رجسٹرڈ مشیر ہے۔ آپ کسی وکیل یا اکاؤنٹنٹ سے بھی رجوع کر سکتے ہیں۔

Clock

آپ کو جتنا وقت چاہیے لیں

محدود وقت اور زیادہ دباؤ ڈالنے والے فروخت کنندگان کی پیش کش سے ہوشیار رہیں۔ اگر سرمایہ کاری کی قانونی حیثیت ہے، تو آپ کو فوراً موقع پر سرمایہ کاری کرنے کی ضرورت نہیں ہوتی ہے۔ ایک باخبر فیصلہ کرنے کے لئے درکار وقت لیں۔

Computer

سرمایہ کاری کی تحقیق کریں

کوئی سرمایہ کاری کرنے سے پہلے، یہ سمجھ لیں کہ یہ کیسے کام کرتی ہے، اور اس سے کون سے جوکھم یا فیس وابستہ ہیں۔ سوالات پوچھنے سے نہ گھبرائیں۔ اس امر کو یقینی بنائیں کہ یہ آپ کے مالی اہداف اور ضروریات کے عین مطابق ہو۔

Group of faces, one wearing a mask to look like the others

سرمایہ کاری سے پہلے جانچ لیں

بہترین طریقہ یہ ہے کہ کسی بھی قسم کے سرمایہ کاری فراڈ سے بچنے کے لئے اس بات کی تصدیق کر لی جائے کہ جو شخص آپ کو سرمایہ کاری کی یا سرمایہ کاری کے مشورے کی پیش کش کر رہا ہے وہ ایسا کرنے کے لئے رجسٹرڈ ہے۔ عام طور پر، سیکوریٹیز فروخت کرنے والے یا سرمایہ کاری کے مشیر شخص کو ان صوبوں اور علاقوں میں سیکوریٹیز کے انضباط کار کے پاس رجسٹرڈ ہونا چاہیے جہاں وہ سرمایہ کاریاں فروخت کر رہا ہے۔

رجسٹریشن کیوں اہم ہے؟

رجسٹریشن سرمایہ کاروں کے تحفظ میں مدد کرتا ہے کیونکہ Ontario Securities Commission جیسے سرمایہ کاری انضباط کار صرف ایسے ہی لوگوں یا کمپنیوں کو رجسٹر کریں گے جو لوگوں کو سرمایہ کاری فروخت کرنے یا مشورہ دینے کے اہل ہوں گے۔

رجسٹریشن کی جانچ کرنا فوری اور آسان ہوتا ہے۔ رجسٹریشن اسٹیٹس کی جانچ کرنے کے لئے قومی رجسٹریشن تلاش ٹول کا استعمال کریں اور سرمایہ کاری صنعت میں کسی بھی شخص یا کاروبار کے نظم و ضبط کے کوائف کا جائزہ لیں۔

Ontario Securities Commission logo

Ontario Securities Commission

Ontario Securities Commission (OSC) ایک انضباط کار ہے جو اونٹاریو میں سرمایہ بازار کے انضباط کے لئے ذمہ دار ہے۔ OSC سرمایہ کاروں کو غیر منصفانہ، نا مناسب یا دھوکہ دہی کے طرز عمل سے تحفظ فراہم کرتا ہے اور منصفانہ نیز مؤثر سرمایہ بازار کو فروغ دیتا ہے اور سرمایہ بازار میں اعتماد پیدا کرتا ہے۔

وہ لوگ اور کاروبار جو اونٹاریو میں سیکوریٹیز کی ٹریڈنگ کر رہے ہیں اور سرمایہ کاروں کو مشورہ دے رہے ہیں، انہیں اونٹاریو سیکوریٹیز کے ضوابط کی پیروی کرنی چاہیے۔ OSC ان کے خلاف کارروائی کر سکتا ہے جو ضوابط کی پیروی نہیں کرتے ہیں۔

The Investor Office (www.InvestorOffice.ca) ایک جزء ہے OSC کا۔ Investor Office حکمت عملی کی ہدایات کا تعین کرتا ہے اور سرمایہ کاروں کی مشغولیت، تعلیم، آؤٹ ریچ اور تحقیق میں OSC کی کوششوں کی قیادت کرتا ہے۔ یہ آفس پالیسی سازی اور آپریشن میں سرمایہ کار کا نقطہ نظر بھی پیش کرتا ہے۔

Ontario Securities Commission کے بارے میں مزید جانیں

(صرف انگریزی/فرانسیسی میں)

GetSmarterAboutMoney.ca own icon

GetSmarterAboutMoney.ca

GetSmarterAboutMoney.ca دراصل Ontario Securities Commission کی ویب سائٹ ہے جو آزادانہ اور غیر متعصبانہ معلومات اور آپ کو اپنی رقم کے بارے میں بہتر فیصلہ لینے میں مدد کرنے کے لئے مالیاتی ٹولز فراہم کرتی ہے۔

یہاں آپ کو سرمایہ کاری کی بنیادی چیزوں، جیسے کینیڈین مارکیٹ میں مختلف اداروں اور پیشہ وروں کے مختلف کرداروں، کینیڈا میں دستیاب مختلف سرمایہ کاری اکاؤنٹس، اور سرمایہ کاری کرنے سے پہلے پوچھے جانے والے سوالات کے بارے میں معلومات فراہم کی جاتی ہیں۔

GetSmarterAboutMoney.ca پر آپ کو اپنے اور اپنے خاندان کے لئے سرمایہ کاری کے بہتر باخبر فیصلے کرنے میں مدد کرنے کے لئے کیلکولیٹرز، ورک شیٹس، اور کوئز بھی دستیاب ہیں۔

مزید جانیں

(صرف انگریزی/فرانسیسی میں)

Hands holding up the letter 'i'

پوچھ تاچھ اور رابطہ مرکز

آپ Ontario Securities Commission کے پوچھ تاچھ اور رابطہ مرکز سے رابطہ کر سکتے ہیں اگر آپ کے پاس کسی کمپنی، سرمایہ کاری پروڈکٹ یا اپنے مشیر کے کسی عمل کے بارے میں کوئی سوال یا شکایت ہو۔

یہ ٹیم 200 سے زيادہ زبانوں میں آپ کے سوالات کے جواب دے سکتی ہے۔

پوچھ تاچھ اور رابطہ مرکز آپ کے سوالات کے جواب دے گا اور آپ کی شکایت یا پوچھ تاچھ کو Ontario Securities Commission کی کسی دوسری برانچ میں بھیج دے گا۔

سوال پوچھیں

Phone

مقامی (ٹورنٹو)

416-593-8314

(اختیار 0)

Map of North America

ٹول فری (شمالی امریکہ)

1-877-785-1555

(اختیار 0)

Ear

TTY

1-866-827-1295

Piece of paper

فیکس

416-593-8122

(سوالات اور شکایات)